پاكىستاننىڭ پرەمەر-مينيسترى ناۆاز شاريف 8-9 ماۋسىم كۇندەرى ەكىكۇندىك ساپارىمەن قازاقستانعا كەلىپ، شانحاي ىنتىماقتاستىق ۇيىمى سامميتىنە قاتىسادى، دەپ جازادى قامشى اقپاراتتىق اگەنتتىگى. بۇل جايىندا قازاقپارات The Nation پورتالىنا سىلتەمە جاساي وتىرىپ حابارلادى.

 ءۇندىستان جانە پاكىستاندى شانحاي ىنتىماقتاستىق ۇيىمىنا قابىلداۋ ءراسىمى 8-9 ماۋسىم كۇندەرى اتالعان ۇيىمعا مۇشە-ەلدەردىڭ باسشىلارىنىڭ قاتىسۋىمەن استانا قالاسىندا وتەتىن سامميتتە وتەدى دەپ كۇتىلۋدە. 

 «شىۇ كەڭەيتۋ ماسەلەسى بۇگىنگى تاڭدا ءسوزسىز وزەكتى ماسەلە. شىۇ-ىنا مۇشە-ەلدەر باسشىلارىنىڭ 2005 جىلدىڭ شىلدە ايىنداعى استانا قالاسىندا وتكەن كەڭەسىنىڭ وتىرىسىندا ءۇندىستان مەن پاكىستان باقىلاۋشى-ەلدەر مارتەبەسىنە يە بولدى. الدا وتەتىن شىۇ ءسامميتى بارىسىندا ءبىز ۇيىمىمىزدىڭ وسى كەزەڭدەگى كەڭەيۋىنىڭ كۋاسى بولامىز»، - دەدى قايرات ابدراحمانوۆ ءساۋىر ايىندا وتكەن شانحاي ىنتىماقتاستىق ۇيىمىنا مۇشە-ەلدەردىڭ سىرتقى ىستەر مينيسترلەرىنىڭ كەڭەسىندە.

شولۋشى: گۇلىم جاقان