2014 جىلى يراك ەلىندەگى سيندجار قالاسىن دايش سودىرلارى باسىپ العان بولاتىن. سول كەزدە 5000-نان استام ايەل تۇتقىنعا تۇسكەن ەدى. كەيبىر تۇتقىن ايەلدەر قاشىپ كەتە الدى. قاشىپ كەتكەن ايەلدەر جانتۇرشىگەرلىك وقيعالاردى بايانداپ بەردى.

نازيما ءقازىر 22 جاستا. دايش سودىرلارى ونى بەلگىسىز ءبىر ەركەككە ساتىپ جىبەرگەن ەكەن. نازيما ءوز ەركىنەن تىس ونىڭ ايەلى اتاندى. بەلگىسىز ەر ادام قايدا بارسا دا نازيمانى قاسىنا الىپ جۇرەدى ەكەن. نازيما ءبىرىنشى رەت قاشىپ كەتكەن كەزدە ونى الگى ەركەك ۇستااپ الىپ، 3 ك.ن بويى سوققىعا جىققان. كەيدە ءتىپتى اپتالاپ تاماق ىشپەي، قاماۋدا جاتاتىن كورىنەدى.

ءبىر كەزدە ولار موسۋل قالاسىنا كەلەدى. سول كەزدە نازيما تاعى دا قاشىپ كەتۋگە تىرىسادى. ول  تاكسي جۇرگىزۋشىسىنە ءوزىنىڭ قۇلدىقتا جۇرگەنىن ايتىپ، ءوز وتباسىنا ورالادى.

28 جاستاعى رۋبا ساۋد ارابياسىنداعى ءبىر ەركەككە  ءوز ەرىكىنەن تىس كۇيەۋگە شىعادى. ول العاشىندا قارسىلاسقان كورىنەدى. ءبىراق ونى دايش سودىرلارى قولدارىنا قارۋ الىپ، قورقىتقان ەكەن. رۋبانىڭ تۇتقىندا ءوز ءسىڭىلىسى بولعان ەكەن. ولاردى بىرگە قۇلدىققا ساتىپ جىبەرگەن. رۋبانىڭ قوجايىنى ونى زورلاماق بولعان كەزدە، رۋبا وعان قارسىلىق تانىتىپ، ءوز ار-نامىسىن قۇتقارىپ قالادى. رۋبا مەن ونىڭ ءسىڭلىسىن  دايش سودىرلارى 3 رەت قۇلدىققا ساتقان.  

شىرىننىڭ جاسى ءقازىر 22-دە. ول 5 وتباسىدان قۇرالعان البانداردىڭ ۇيىنە قۇلدىققا ساتلعان. ول تەك ءۇي شارۋاشىلىعىمەن عانا اينالىسپاعان، سونىمەن بىرگە سول ۇيدەگى بارلىق ەركەكپەن جىنىستىق قاتىناسقا تۇسكەن. ءبىراق ءبىراز ۋاقىتتان كەيىن ول قالاا كوشەسىندەگى تانىمايتىن ادامنىڭ كومەگىمەن، ءوز وتباسىنا ورالادى. 

اۋدارعان: اسەل وتەشوۆا