الماتى قالاسى اۋەزوۆ اۋدانى «اقساي» مەشىتىندە ساياسي قۋعىن – سۇرگىن قۇرباردارىن ەسكە الىپ، ولاردىڭ رۋحتارىنا حاتىم-قۇران باعىشتاپ، قۇربان شالىندى.
ەلىمىزدە ەلباسىمىز نۇرسۇلتان ءابىش ۇلى نازاربايەۆتىڭ قولداۋىمەن 1997 جىلدىڭ 31 مامىرىنان باستاپ، قۇربانداردى ەسكە الۋ كۇنىن اتاپ وتۋدە.
وسىعان وراي «اقساي» مەشىتى دە ءوز جاماعاتىمەن ساياسي قۇربانداردى ەسكە الدى.
قۋعىن-سۇرگىن جويقىنى قازاقستاندى دا جايپاپ ءوتتى. ونىڭ ناتيجەسىندە، ەڭ الدىمەن، ازامات سوعىسىنىڭ اياعىندا كەڭەس وكىمەتى جاعىنا شىعىپ، سوڭعى جىلداردا وعان مۇمكىندىگىنشە قىزمەت ەتە باستاعان قازاقتىڭ شىعارماشىلىق زيالىلىرى جاپا شەكتى. جانە دە باسقا كوپتەگەن كورنەكتى قايراتكەرلەرمەن يمام جانە مولدار قۋعىن-سۇرگىنگە ۇشىرادى.
ەلدىڭ قامى ءۇشىن ولىمگە باس تىكتى. قازاق ەلىنىڭ ەركىن، تاۋەلسىز بولعانىن قالادى. تىلگە دىنگە بوستاندىق بەرۋىن كوزدەدى.
ساياسي قۋعىن-سۇرگىن قۇرباندارىن ەسكە الۋ ارقىلى، وتكەننىڭ اۋىر ساباقتارىن ساراپتاي وتىرىپ، ادامزاتتىڭ بۇگىنگى جانە بولاشاقتاعى تاريحىندا وسىنداي زۇلىماتتى بولدىرماۋدى مىندەتتەيدى.
