قۇربان ايت حالقىمىزدى بىرىكتىرەتىن مەيرام بولۋى كەرەك. بۇگىن ەلباسى نۇرسۇلتان نازاربايەۆ استاناداعى «ازىرەت Cۇلتان» مەشىتىندە بارشا مۇسىلمان قاۋىمىن قۇربان ايت مەرەكەسىمەن قۇتتىقتاۋىندا وسىلاي دەدى.«مۇسىلماندار تىلىمەن دە، ىسىمەن دە ەشكىمگە جاماندىق جاسامايدى» دەگەن ءسوز بار. سوندىقتان دا، بۇگىنگى قۇربان شالۋ تەك قان اعىزۋ عانا ەمەس، ءوزىنىڭ شىن جۇرەگىمەن سۇيەتىن اللانىڭ، قۇراننىڭ سوزىنە جىعىلۋدى، سەندىرۋدى بىلدىرەدى. سونىمەن قاتار، بۇل مەرەكە ءبىر‑بىرىمەن كەلىسپەگەن اعايىنداردى تابىستىرىپ، كەدەيلەرگە، جەتىم‑جەسىرگە كومەكتەسىپ، قۇرباندىققا شالعان مالدىڭ ەتىن سولارعا تاراتىپ، جاقسىلىق جاساۋعا ۇندەيدى. جۇرتتىڭ شاپاعات كورسەتىپ، بايلار مەن كەدەيدىڭ، ەلدىڭ اراسىن ءبىر‑بىرىنە جاقىنداتاتىن ۇلىق مەيرام. ءدال وسىنداي قاعيدامەن مەرەكەنى تويلايتىن بولساق، ول ۇلكەن عانيبەت»، ‑ دەدى مەملەكەت باسشىسى. سونىمەن قاتار، پرەزيدەنت  تاۋەلسىزدىكتىڭ ارقاسىندا قۇربان ايت كۇنى مەرەكە سانالعانىن دا ايتتى. «بۇل  مەيرام جۇمىس ىستەمەيتىن، ەلدەر شۇيىركەلەسىپ، ءبىر-بىرىن قۇتتىقتايتىن كۇن، اعايىن-تۋعاندى توڭىرەگىنە جيناپ، حالقىمىزدى بىرىكتىرەتىن كۇن. ءبىز ەڭسەلى ەل بولامىز دەگەن حالىقپىز. تاۋەلسىزدىگىمىزدى نىعايتىپ، قازاقستاننىڭ تۇعىرىن بەرىك ەتىپ جاتقان حالىقپىز. سوندىقتان ءبىزدىڭ حالىققا ۇلى بىرلىك، بىرلەسكەن تىرلىك كەرەك. وتانىمىزدى ءسۇيۋ كەرەك. ۇرپاعىمىزدى وتانسۇيگىشتىككە ۇيرەتۋ كەرەك. بارلىعىمىزدىڭ مىندەتىمىز سول. سوندىقتان بارشالارىڭىزدى وسى مەرەكەمەن قۇتتىقتايمىن. ايتتان ايتقا امان جەتىپ، اللانىڭ الدىنداعى تىلەك‑نيەتتەرىمىز قابىل بولسىن. ەكى دۇنيەدە اللا بەتىمىزدى جارقىن قىلسىن. جۇرتىمىز ءۇشىن جاساپ جاتقان بارلىق تىلەگىمىز ورىندالسا ەكەن»، ‑ دەپ اياقتادى ءسوزىن ەلباسى ن. نازاربايەۆ.

اۆتور: قانات مامەتقازى ۇلى

"قازاقپارات"