يمپەريادان قالعان سارايدىڭ توبەسىندە تۇرعان جالاۋ تىنىش سەزەدى الىستان داۋىل كوتەرىلگەنىن مەرەكەدەن كەيىنگى الاڭ قاڭىراپ بوس تۇر تەرەڭدە جۇزگەن ادامنىڭ تەڭىز تۇبىنە تۇسكەن كولەڭكەسى سەكىلدى شىرماۋىق گۇلدىڭ ساباعىندا دامىلداعان كۇندەر قاۋاشاعىن تۇندە اشادى وزەندى كەرى بويلاپ جۇگىرگەن بالالىق شاعىم اققان جۇلدىزدارمەن جارىسىپ بارادى سىرىنكەنىڭ ءبىر تال شرپىسىن تۇتاتقاندا، تاريح، اق قاعازدىڭ بەتىندەگى قارا نوقات جارق ەتە قالادى ءىز اڭدىعان قارا مىسىق قاراڭعىدا ءۇنسىز تىڭ-تىڭدايدى ءتۇسىمدى جۇمارلاپ، ۇساقتاپ جىرتىپ اسپانعا شاشىپ جىبەردىم ءومىر بويى جاتىققان ءبىر كۇيدى اقىرى شەرتىپ بولىپ اقىرعى رەت شاناقتى قاعىپ توقتاعانداي شەكسىز بيىكتەن قاپالاقتاعان اق جوڭقا، اق قارعا الاقانىمدى توستىم ءسوز تاباقتىڭ شەڭبەرىن بويلاپ جۇيىتكىگەن قۇيىن ۇمىتۋدىڭ سوڭىنان قۋىپ بارادى ءسوز قاراڭعىدا از كىدىرە تۇرشى شۋاعىڭ شەڭبەردىڭ شەگىنە جەتسىن.«قازاق مەملەكەتىنە – 550 جىل» جىر ءمۇشايراسىنا!
اۆتور تۋرالى:
نۇرعازى ۇلى ارداق — اقىن، پروزايك ءھام سىنشى. 1972 جىلى دۇنيەگە كەلگەن. 1995 جىلى جوعارى وقۋ ورنىن تامامداعان. 1991 جىلدان باستاپ شىعارمالارى جارىق كورىپ كەلەدى. 2006-2008 جىلدارى «شەتەل ادەبيەتى» گازەتىنىڭ باس رەداكتورى بولعان. ءقازىر «الماتى اقشامى» گازەتىندە ءتىلشى. «جالعان بوستاندىق كىتابى» (2009 ج.)، «اراقۇس» (2012 ج. قازاق-قىتاي تىلىندە) ولەڭ جيناقتارىنىڭ، «قازاقتىڭ مودەرنيستىك پوەزياسى» (2010 ج.) سىن ەڭبەگىنىڭ، «سىزىقتار مەن نۇكتەلەر» (2010 ج.) اڭگىمە جيناعىنىڭ اۆتورى. ولەڭدەرى اعىلشىن، جۇڭگو تىلىندە جارىق كورگەن.
