اقش پرەزيدەنتى باراك وباما ۋكراين حالقىن ءساتتى وتكەن پارلامەنت سايلاۋىمەن قۇتتىقتاپ، ۋكراينا بيلىگىنە قىرىمدى قايتارىپ الۋعا كومەكتەسۋگە ۋادە بەردى. بۇل تۋرال ۋكراينالىق اقپارات قۇرالى سەنزور.نەت حابارلادى.

وباما ءوز مالىمدەمەسىندە: «امەريكا حالقىنىڭ اتىنان 26 قازاندا وتكەن پارلامەنت سايلاۋىنىڭ ءساتتى وتۋىمەن ۋكراينا حالقىن قۇتتىقتايمىن. ءقاۋىپسىز جانە ءبولىنىپ كەتكەن وڭىرلەر سفەراسىنا قاراماستان ميلليونداعان ۋكرايندىقتار ءوز ەلىندە تارتىپكە تۇسكەن بەيبىت جاعدايدا داۋىس بەرە ءبىلدى. مەن ۋكراينا ۇكىمەتىنە حالىقارالىق جاۋاپتى ستاندارتتارعا ساي ءوتتى دەپ حالىقارالىق ۇيىمدار باعالاعان سايلاۋدى وتكىزە بىلگەنىن ءۇشىن العىس بىلدىرەمىن»، - دەگەن. سونداي-اق ول رەسەي وككۋپاسيالاعان قىرىم مەن ۋكراينا شىعىسىنداعى رەسەيشىل قارۋلى كۇشتەردىڭ كوپتەگەن ۋكراينا ازاماتتارىنىڭ دەموكراتيالىق قۇقىقتارىن شەكتەگەنىن ايتقان. وباما ۋكراينادا 26 قازاندا وتكەن سايلاۋ -  ۋكراينانىڭ دامۋدىڭ جاڭا ساتىسىنا وتكەندىگى دەپ سانايدى. وبامانىڭ سوزىنشە، اقش ۋكراينانىڭ تەرريتوريالىق تۇتاستىعىن، مەملەكەتتىك سۋۆەرەنيتەتىن قولدايدى جانە ۋكراينا شىعىسىنىڭ بەيبىت جاعدايدا تارتىپكە كەلۋى مەن قىرىمدى قايتارىپ الۋى ءۇشىن جۇمىستار ىستەيتىن بولادى.