جانارماي تاپشىلىعى ەلىمىزدىڭ كەيبىر ايماقتارىندا قايتا سەزىلە باستادى. الماتىدا وتكەن جۇمادان بەرى ءىرى جانارماي قۇيۋ بەكەتتەرىندە بەنزين تالونمەن عانا ساتىلۋدا. بۇل تۋرالى استانا تەلارناسىنا سىلتەمە جاساپ Nur.kz حابارلادى.

حالىق اراسىندا سۇرانىسى جوعارى اي-92 جانە اي-93 ماركالى بەنزين تۇرلەرىن قۇيۋ ءۇشىن، كولىك جۇرگىزۋشىلەر كەي بەكەتتەردە ساعاتتاپ كەزەك كۇتۋدە. قىركۇيەكتە ەلىمىزدىڭ بارلىق اۋماقتارىندا جانارماي تاپشىلىعى حالىقتى ءبىرشاما ابىگەرگە تۇسىرگەن ەدى. ول كەزدە ءتيىستى مەملەكەتتىك مەكەمەلەر احۋالدى ەلدەگى ءۇش بىردەي مۇناي وڭدەۋ زاۋىتىنىڭ كۇردەلى جوندەۋگە جابىلۋىمەن تۇسىندىرگەن بولاتىن.

ەسكە سالساق، ەنەرگەتيكا ءمينيسترىنىڭ ءبىرىنشى ورىنباسارى ۇزاقباي قارابالين ەلدە بەلەڭ العان جانارماي تاپشىلىعىنا قاتىستى جاعداي قازاننىڭ ەكىنشى بولىگىندە تۇراقتالاتىنىن ايتقان ەدى.

قامشى-اقپارات