ەلىمىزدە بۇگىنگە دەيىن جينالعان ەگىن كولەمى 15 ملن گەكتاردان 13 ملن سەنتنەرگە جەتىپ وتىر. Baq.kzء-تىڭ جازۋىنشا، بۇل تۋرالى استاناداعى ورتالىق كوممۋنيكاسيالار قىزمەتىندە وتكەن بريفينگ بارىسىندا ق ر اشم كوميتەت ءتوراعاسى ساقتاش حاسەنوۆ ءمالىم ەتتى. 

"مۇنداي اۋا رايى بۇعان دەيىن بولعان ەمەس. اۋا رايىنىڭ قولايسىزدىعى ەگىنگە ايتارلىقتاي زيان تيگىزۋدە. بۇعان قاراماي ءقازىر جۇمىستار ءجۇرىپ جاتىر. سالىستىرمالى اقپاراتتارعا سۇيەنەتىن بولساق، 2009 جىل مەن 2014 جىل ارالىعىندا بيداي القابى 2400 گەكتارعا تومەندەپ وتىر" دەيدى ساقتاش حاسەنوۆ. سونىمەن بىرگە، ول تەحنيكالىق جابدىقتاردىڭ جەتىسپەۋشىلىگى دە استىق ءونىمى كورسەتكىشىنىڭ تومەندەۋىنە اكەلىپ وتىر دەيدى. ەستەرىڭىزگە سالساق، ءبىر اپتا بۇرىن سولتۇستىك قازاقستان وبلىسىندا 600 مىڭ گەكتاردان استام ەگىن ورىلماي، قار استىندا قالىپ وتىرعانى حابارلانعان ەدى.

ال، Zakon.kz سايتى بولسا، بيىلعا قازاقستان بويىنشا 16،2 ميلليون توننا استىق جينالعانىن جازدى.

قامشى-اقپارات