ۋكراينا ناتو قۇرامىنا كىرۋگە ءوتىنىش بەرمەۋدى شەشتى، - دەپ حابارلايدى Tengrinews.kz. بۇل تۋرالى بريۋسسەلدەگى كونفەرەنسيادا ۇيىمنىڭ باس حاتشىسى يەنس ستولتەنبەرگ مالىمدەگەن.

"بۋحارەستەگى سامميتتە ءبىز ۋكراينا مەن گرۋزيا ناتو مۇشەسى بولاتىنىن مالىمدەگىمىز كەلدى. سودان بەرى ۋكراينا ءوتىنىش بەرمەۋدى شەشتى، بۇل كۇن تارتىبىندە تۇرعان جوق"، - دەدى ستولتەنبەرگ. ونىڭ ايتۋىنشا، وسى سەبەپتى ۋكراينانىڭ ناتو-عا مۇشەلىك ەتۋ ماسەلەسى كۇن تارتىبىندە تۇرعان جوق. ول "ۇيىمنىڭ اشىق ەسىك ساياساتىن قولدايتىنىن" ايتتى. "ءار ەل مۇشەلىككە ءوتىنىش بەرۋدى ءوزى شەشۋى كەرەك"، - دەدى باس حاتشى. 

ايتا كەتەيىك، قىركۇيەك ايىنىڭ اياعىندا ۋكراينا سىرتقى ىستەر مينيسترلىگىنىڭ سپيكەرى ەۆگەنيي پەرەبيينيس ەلدىڭ 2014 جىلى قاراشادا ناتو قۇرامىنان تىس ەرەكشە مارتەبە الۋى مۇمكىن ەكەنىن مالىمدەگەن. بۇعان دەيىن ۋكراينا پرەزيدەنتى پەتر پوروشەنكو ناتو ەلدەرىمەن ارەكەتتەستىكتى جوعارىلاتۋ ءۇشىن اقش-تان ەرەكشە قاۋىپسىزدىك مارتەبەسىن بەرۋدى سۇراعان بولاتىن. سونداي-اق ول رەسەيگە قارسى سانكسيانى كۇشەيتۋدى سۇراعان. كەيىننەن ول ۋكراينا اقش-تىڭ ناتو-دان تىس ارنايى وداقتاسى مارتەبەسىن الماعانىن حابارلادى. رەسەي بيلىگى ۋكراينانىڭ ناتو-عا مۇشەلىككە قابىلدانباۋىنا اسا مۇددەلى بولىپ وتىر.

قامشى-اقپارات