ق ر ىشكى ىستەر مينيسترلىگى جاڭا ۇلگىدەگى جەكە كۋالىكتەردى كورسەتتى. مينيسترلىك باسپا ءسوز قىزمەتى: "قازاقستان رەسپۋبليكاسى ازاماتتارىنىڭ جاڭا جەكە كۋالىگىندە ديزاين ءىشىنارا وزگەرتىلدى، اق-قارا ءتۇستى فوتوسۋرەت تۇرلى-تۇستىگە اۋىستىرىلدى، قۇجاتتىڭ ءتۇس گامماسى، اشىقتىعى مەن انىقتىعى جاقسارتىلدى. جەكە كۋالىكتەردىڭ بارلىق قورعانىش دەڭگەيى ساقتالىپ قانا قويماي، سونىمەن بىرگە جاڭا ەلەمەنتتەرمەن دە تولىقتى. قۇجاتتىڭ قورعانىش قاباتىنا قوسىمشا ەلەمەنت ەنگىزىلدى: كۋالىكتىڭ وڭ جاق بەتىنە قۇجات يەسىنىڭ گولوگرافيالىق بەينەسىنىڭ كىشىرەيتىلگەن ءتۇرى ورنالاستىرىلدى، ول قۇجاتتى قولدان جاساۋدان قورعانۋدىڭ جوعارعى دەڭگەيىن بىلدىرەدى"، - دەپ حابارلاما تاراتتى. بۇل تۋرالى Tengrinews.kz جازدى.

جەكە كۋالىكتەردى شىعارۋ ۇكىمەتتىڭ 2014 جىلدىڭ 23 قازانداعى قاۋلىسىنا سايكەس جوسپارلانعان، 2014 جىلدىڭ 1 جەلتوقسانىنان باستاپ ازاماتتارعا بەرىلە باستايدى. وسى قاۋلى كۇشىنە ەنگەنگە دەيىن بەرىلگەن ەسكى ۇلگىدەگى جەكە كۋالىكتەر پايدالانۋ مەرزىمى اياقتالعانشا جارامدى دەپ ەسەپتەلەدى. بۇرىنعى جەكە كۋالىكتەردى ءتۇرلى-تۇستى فوتوسۋرەتى بار جاڭا كۋالىكتەرگە اۋىستىرۋ ازاماتتاردىڭ قالاۋى بويىنشا جۇزەگە اسىرىلاتىن بولادى. جاڭا جەكە كۋالىكتى بەرۋ ءۇشىن الىناتىن مەملەكەتتىك باج سالىعى بۇرىنعىداي ايلىق ەسەپتىك كورسەتكىشتىڭ 20 پايىزى كولەمىندە بولادى، ول - قازىرگى ۋاقىتتا 370،4 تەڭگە.

بۇل قازاقستان ازاماتتارىنىڭ قازىرگى قولدانىستاعى  جەكەكۋالىگى.

قامشى-اقپارات