سينگاپۋر بۇگىندە الەمدەگى ەڭ تازا، ءقاۋىپسىز ءارى ەكونوميكالىق الەۋەتى جوعارى ەلدەردىڭ بىرىنە اينالدى، بۇل ەل ونداي دارەجەگە كوشەدە قوقىس تاستاعاندار قوماقتى ايىپپۇل تولەپ، زاڭ الدىندا جاۋاپ بەرەتىن تەمىردەي ءتارتىپ ارقىلى جەتكەن. بۇل تۋرالى قازاقپارات جازدى. سينگاپۋرلىقتار: «تازالىقتى ۇستانۋ وسكەلەڭ ۇرپاقتىڭ دەنساۋلىعىنا دا وڭ اسەرىن تيگىزەدى»، - دەپ ەسەپتەيدى ەكەن.

«تازالىق - دەنساۋلىق كەپىلى». جەرگىلىكتى حالىقتىڭ ۇستانىمى - وسى. ويتكەنى مەكتەپ تابالدىرىعىن اتتاعان ءاربىر سينگاپۋرلىككە بۇل تۋرالى ارنايى ءدارىس وتكىزىلەدى. ءارى قاراي ول جوعارى وقۋ ورىندارىندا جالعاسادى. قاناتتارى قاتپاي تۇرىپ سانالارىنا سىڭىرگەن قاعيداعا سايكەس، سينگاپۋرلىكتەر ءۇي، قوعامدىق ورىندارداعى تازالىق شارالارىن ەرەكشە ساقتاۋعا تىرىسادى. ءبىر جاعى، زاڭعا باعىنادى. بۇل ەلدە بوتەلكەنى قوقىس جاشىگىنە تاستاماعانىڭىز ءۇشىن قۇنى 500 سينگاپۋر دوللارى بولاتىن ايىپپۇل تولەۋگە تۋرا كەلەدى. سونداي-اق، قوعامدىق ورىندار مەن كوشەلەردە تاماقتانۋ، ساعىز شايناۋ، تەمەكى تارتۋعا رۇقسات ەتىلمەيدى.

1992 جىلدان باستاپ ەل ۇكىمەتى ساعىزدى پايدالانۋ مەن تاسۋعا تىيىم سالعان. سوندىقتان، ونى دۇكەندەردە تابا المايسىز. ساعىزدى شايناۋ مەن كوشەگە لاقتىرعان جاعدايدا، بەلگىلى ءبىر مولشەردەگى ايىپپۇل سالىنادى. ال قوعامدىق كولىكتەردىڭ ىشىندە ترەين ايالدامالارىنا كەلسەك، جولاۋشىنىڭ قارنى اشىپ، اپتاپ ىستىقتا شولدەسە دە سابىرلىلىق ساقتاۋىنا تۋرا كەلەدى. ويتكەنى، بۇل ارەكەت قالتادان قاعىلۋعا جول بەرۋى مۇمكىن. 

تەمەكىنى تارتۋعا رۇقسات ەتىلگەن جەرلەر. بۇل تالاپ ەسكەرىلمەسە، قۇنى 1000 سينگاپۋر دوللارى تۇراتىن ايىپپۇل تولەنەدى. ال قايتالانسا، ايىپپۇل مولشەرى كوبەيەدى. ءتىپتى، ناتيجە بولماسا، قاتاڭ تۇردەگى جازا شىعارىلادى. تۇرمەگە قامايدى. زاڭ سولاي. مىنە، وسىنداي قاتال زاڭىمەن سينگاپۋر ەلى قوعامدا ءتارتىپ ورناتىپ قانا قويماي، قاراپايىم دۇنيەلەردى ەسكەرۋ ارقىلى دەنى ساۋ ۇرپاق پەن ەكونوميكالىق وركەندەۋگە قول جەتكىزۋگە بولاتىنىن كورسەتۋدە. ءبىزدىڭ ەلىمىزدە بىرنەشە جىل بۇرىن قوعامدىق ورىنداردا شىلىم تارتۋعا تيىم سالىنعانىمەن قۇقىق قورعاۋشىلاردىڭ اسىرە تەكسەرىسىنەن كەيىن الىنىپ تاستالىپ ەدى.

قامشى-اقپارات