امەريكا مەملەكەتتىك حاتشىسىنىڭ ورتالىق ازيا مەن ازيانىڭ وڭتۇستىگى ىستەرى جونىندەگى ورىنباسارى ريچارد حوگلاند دۇيسەنبى كۇنى قازاقستاننىڭ باسقالاسى استانادا: «ۆاشينگتون امەريكالىق كۇشتەردى اۋعانستاننان شىعارعان سوڭ، ورتالىق ازيادا اسكەري بازالار قۇرۋعا ءوتىنىش جاسامايدى» دەدى. بۇل تۋرالى يران قازاق راديوسى حابارلادى.
حوگلاند امەريكالىق كۇشتەردىڭ باسىم بولىگىنىڭ 2014 جىلدىڭ سوڭىنا دەيىن اۋعانستاننان شىعارىلاتىنىنا توقتالعاننان كەيىن: «ۆاشينگتون ايماقتا بازا قۇرۋدى قالامايدى» دەدى.
اقش-تىڭ بۇدان بۇرىن قىرعىزستاندا اسكەري بازاسى بولعان بولاتىن. اۋعانستانداعى جاعداي تۇراقتالعان سوڭ ولاردىڭ اسكەرى ماناستان شىقتى. ال، وسى اپتانىڭ باسىندا اقش اسكەري كۇشتەرى اۋعانستاننان تۇگەلدەي قايتارىلدى. اقش-تىڭ اسكەري بازاسى قازاقستاندا دا ورىن الۋى مۇمكىن ەكەنى تۋرالى اڭگىمەلەر بۇعان دەيىن قوزعالىپ جۇرگەن. الايدا رەسەي بۇل ماسەلەگە تەرىس پوزيسيا ۇستانىپ كەلگەن ەدى.
قامشى-اقپارات
