پارلامەنت سەناتىندا وتكەن القالى جيىندا ءسوز العان مادەنيەت جانە سپورت ءمينيسترى ارىستانبەك مۇحامەدي ۇلى ەلىمىزدىڭ سپورتتىق دەرجاۆاعا اينالىپ كەلە جاتقاندىعىن سەنىمدى تۇردە ايتۋعا بولادى دەپ مالىمدەدى. بۇل تۋرالى Baq.kz جازدى.

"راسىندا دا ءبىزدىڭ ەلىمىز سوڭعى جىلدارى ءتۇرلى حالىقارالىق جارىستاردا جۇلدەلى ورىندار الىپ، بايراقتى باسەكەلەردىڭ كوپشىلىگىندە جاقسى ناتيجەلەرگە قول جەتكىزە باستادى. بۇل ءبىزدىڭ سپورتتىق دەرجاۆاعا اينالا باستاعانىمىزدىڭ كورىنىسى. ءتىپتى، بۇعان ينچحوندا وتكەن ازيادا ويىندارىندا العان 84 مەدالىمىز ناقتى دايەك بولا الادى. ونىڭ ىشىندە وتىزعا جۋىق التىن مەدال بولىپ، جالپىكوماندالىق ەسەپتە ءتورتىنشى ورىندى ەنشىلەۋىمىز، ءبىزدىڭ سپورتشىلاردىڭ زور الەۋەتكە يە ەكەندىگىنىڭ بەلگىسى بولسا كەرەك-تى. ەندىگى جەردە ەلباسى جولداۋىندا ايتىلعان ناقتى تاپسىرمالاردى جۇزەگە اسىرۋمەن اينالىسۋدامىز. بۇل بىزگە سپورتتىق سالادا كورسەتكىشتەرىمىزدى ودان سايىن جاقسارتۋىمىزعا مۇمكىندىك بەرەدى"، - دەگەن ءوز سوزىندە مينيستر.

قامشى-اقپارات