بارىمىزدە دە تۋىس بار، تانىس بار. ۇكىمەتتىڭ 80 پايىز استىق جينالدى دەگەنىنە ولسەم دە سەنبەيمىن. ارقاداعى اعايىندار، ەگىن ەگەتىن قايىن، قۇدا-جەكجاتتار ءارى كەتسە 40-50 پايىزى جينالدى، قالعانى قار استىندا قالدى دەپ جاتىر. بولماسا تەبىنگە مال جىبەرەمىز دەپ ەڭىرەپ جىلاۋدىڭ الدىندا وتىر. ءىرى كاسىپورىندار بولماسا، فەرمەرلەردىڭ كوبىسى ۇتىلدى. ساقتاندىرۋ دەگەنگە اقشاسى دا جوق. وسى سەبەپتى دە "پرودكورپوراسيا" وماقاسىپ، ەلىمىز قانشا جىلدان بەرى تۇڭعىش رەت رەسەيدەن استىق ساتىپ الۋعا ءماجبۇر بولىپ جاتقان سياقتىمىز. ماسقارا، ەندى. باياعى كەڭەس زامانىندا كولحوزدار جوعارى جاققا جالعان اقپار، وتىرىك اقپاردى بوراتاتىن ەدى، ءبىر-بىرىنىڭ ارتىن جاۋىپ. سول زاماندار قايتا كەلگەندەي. ءبىراق، وسى كوزبوياۋشىلىقپەن قايدا بارامىز؟ باياعى "تاماشانىڭ"، ودان قالسا بەيىمبەتتىڭ كەيىپكەرلەرى ءتىرىلىپ كەلگەندەي تۋرا. وتىرىك اقپار بەرۋدىڭ، كوزبوياۋشىلىقتىڭ چەمپيوندارى، ماستىرلەرى ارامىزدا ءالى دە تولىپ ءجۇر، ەل باسقارىپ تۇر. ۇيرەنشىكتى زامانىنا، جاعدايىنا جەتكەن سياقتى. بۇل كەڭەسەكتەرگە جەتپەي تۇرعانى تەك ماسكەۋ مەن كەڭەس ۇكىمەتى. بۇلاي كەتە بەرسە، جوعىن جاماپ، ونىڭ دا ورنىن تولتىرىپ تاستاۋى ىقتيمال. بەتىن اۋلاق قىلسىن...
ايدوس سارىم. (Facebook-تەگى پاراقشاسىنان)
