الەم ارەنالارىنداعى شابىتتى شايقاسىنىڭ ارقاسىندا ابىرويى «شالقۇيرىق» شابىسپەن زاۋلاعان گەنامىز ءبىزدىڭ بۇگىنگى ماقتانىشىمىز. ونىڭ ءاربىر جەڭىسى قازاقستاننىڭ كەزەكتى جارناماسى دەسە دە بولعانداي. كارى قۇرلىقتىڭ جاسى دا كارىسى دە قازاقستاننىڭ ساياسي كارتاسىن بىلمەسەدە گەنادييدىڭ «Made in Kazakhstan» ەكەنىن بىلەدى. بۇل جاعداي الەمدە جەر كولەمىنەن 9-شى ورىنداعى ەلدى الەم الدىندا جارنامالاۋدا 1ء-شى ورىن الاتىنىنا سەنىمىم مول. كوپكورىم ەلدىڭ الدىندا كوك بايرىعىمىزدىڭ كولبەڭدەگەنى كوڭىل قۋانتادى. مەملەكەتارالىق دەڭگەيدەگى سپورتشىمىز مەملەكەتتىك رامىزدەرىمىزدىڭ ەۋروپاداعى ناسيحاتشىسى. ەۋروپا قازاقستاندى ءوز ساناسىندا جاساعان جالعان بەينەسىن بوراتتاي بوركەمىكتەرمەن ەمەس بولاتتاي بەرىك بالۋاندارى ارقىلى تاني باستادى. ول ءۇشىن العىستان باسقا ايتارىمىز جوق. جارايسىڭ گەنا! اڭگىمە اۋانى باسقادا. ءيسى قازاققا «يىلمەس باتىر» رەتىندە تانىلعان بوكسەرىمىزدىڭ يىعىنا جامىلعان شاپانىن قازاقتىكىنە ۇقساتا الماي-اق قويدىق. جارىس سايىن جاۋىرىنان قوناقتاعان شاپاننىڭ نازار جىعا قاراعان ادام پوشىمى وزىمىزدىكى بولعانىمەن «ءپوشيۆى» وزگەنىكى ەكەنىن اڭدايدى. شاپان جاعالاي قونعان ويۋ-ورنەكتەردىڭ قازاق قولونەرىنە ءۇش قايناسا سورپاسى قوسىلمايدى. ناقتىسى قاي ۇلتتىڭ دۇنيەسى ەكەنى تانىماساق تا قازاقتىكى ەمەس ەكەنىن اجىراتا الار ساۋاتى بارىندە بولۋى كەرەك، ۆكونتاكتە الەۋمەتتىك جەلىسىندە گەنانىڭ جانكۇيەرلەرى وسى تۇرعىدا پىكىرتالاس وتكىزىپتى. وتانسۇيگىش ازاماتتار ارامىزدا ءجۇر ەكەن. سول پىكىرلەردەن ءۇزىندى:
داۋكا داۋتقازى:
«دوستار، ءوز چەمپيونىمىزعا سىيلىق جاساساق قالاي ويلايسىزدار؟ وعان ءوز ۇلتتىق ويۋ-ورنەگىمىزبەن كومكەرىلگەن كەرەمەت شاپان سىيعا تارتساق. شاما كەلگەنشە قارجىلاي جينايىق تا گەنانىڭ ءوزىن كورمەسەك تە بەرىپ جىبەرەيىك.»
يگور الەكسەيەۆ:
«جاقسى يدەيا.»
جاننۇر تۇڭعاتاروۆ:
«بۇل شاپانداعى ورنەكتەردىڭ قازاقتىكى ەمەس ەكەنىن سامۇرىق قازىناعا بولماسا باقتيار ارتايەۆ پەن مەحمەتوۆ ايدارعا جەتكىزۋ كەرەك.»
داۋكا داۋتقازى:
«بۇل شاپاندى لاۋازىمدى تۇلعالار ەمەس، قايتا جانكۇيەرلەرى سىيلاۋ كەرەك. ولار سىيلاسا كەزەكتى سىيدىڭ رەتى دەپ قابىلدانادى. قىسقاسى مەنى تۇسىندىڭدەر دەپ ويلايمىن.»
ادىلەت جاڭابايەۆ:
«جاڭا شاپاننىڭ كەرەگى نە؟ تەك قازاقتىكى بولۋ شارت پا؟ ايتپاقشى وندا GGG- دەگەن ارىپتەر اعىلشىنشا، مۇمكىن سونى دا الىپ تاستارسىڭدار؟»
امان امان:
«ال ءبىز سىيلادىق دەيىك، ەگەر دە ول شاپاندى كيگەن جەكپە-جەگىندە جەڭىلسە، ءبىر – بىرلەپ ولتىرەدى عوي ءبىزدى! امان ەسىمدى جىگىت ءوز اماندىعىن تىلەپ وتىر.»
ءسابيت ءتۇسىپ:
«جىگىتتەر بۇلارىڭ نە؟ گەنا كەرەك بولسا ءوزى-اق تىكتىرىپ الادى.»
P.S
باسىم كوپشىلىگى گەنانىڭ ۇلتتىق كيىمىمىزدە شىققانىن قالايدى. از عانا بولىگى وسى شاپاندا قالا بەرگەنىن دۇرىس دەپ سانايدى. شىنىمەن بۇل قاي ۇلتتىڭ شاپانى بولدى ەكەن؟ ىزدەي كەلە تاپتىق. سويتسەك وزبەك ءوز اعامىز ەكەن. ءبىراق بۇل شاپان گەنانىڭ يىعىنا قالاي جابىلعانى بەيمالىم.
ورىنباسار باقىتبەك
