جازدان بەرگى جانار ماي باعاسىنىڭ جوسىقسىز وسكەنى جاعامىزدى ۇستاتسا دا، جازعاندى «جازىقسىز» كىنالاعانىمىز دۇرىس بولماپتى. بەنزين باعاسىنىڭ كوتەرىلگەنىن كۇڭكىلدەپ كورە الماپ ەدىك، كورەسىنە ەندى كوردىك. ءقازىر قالاعان باعاسىن ۇسىنسا دا قالاعان ءليترىڭدى تابۋ قيىن. بۇرىنعىداي «اقشاڭ بولسا قالتاڭداعا» كونەتىن كەز ەمەس. كەي بەكەتتەردى ءتىپتى اي-92 ماركالى بەنزينى تالونمەن عانا بەرىلەدى.

ستاتيستيكا بويىنشا قازاقستان سۇرانىسىن قاناعاتتتاندىرۋ ءۇشىن جىلىنا جالپى 2،8 ميلليون توننا بەنزين كەرەك ەكەن، ونىڭ تەك 1،8 ميلليون تونناسىن عانا وزىمىزدە وندىرىلەدى. اي-92 ماركالى بەنزينىنىڭ تاپشىلىعى جاز ايلارىنان باستاپ سەزىلە باستاعان بولاتىن. بۇل تۇرالى شكولنيك مىرزا: « راس، ءقازىر اي-92 ماركالى بەنزيننىڭ تاپشىلىعى ايقىن سەزىلۋدە. باعانى بارىنشا ۇستاپ تۇرۋعا تىرىستىق. ءبىز بەنزيندى رەسەي فەدەراسياسىنان تاسىمالدايمىز. قىس ايىنان بەرى رەسەيدە اي-90 ماركالى بەنزيننىڭ باعاسى 160-170 تەڭگەنى قۇراعان بولاتىن. ال ءبىز 115 تەڭگەدەن ساتىلىمعا شىعاردىق. ءقازىر 127 تەڭگە. بۇل الىپساتارلىقپەن اينالىساتىن جەكەلەگەن كومپانيالارعا تيىمسىزدىك تۋدىرعاسىن، ولاردا تاسىمالداۋىن توقتاتتى»-دەپ جاعدايدى بارىنشا تىگىسىن جاتقىزا جەتكىزدى. جاقىندا ءازىربايجان رەسبۋليكاسى مەملەكەتتىك SOCAR مۇناي كومپانياسىنىڭ پرەزيدەنتى روۆناگ ابدۋللايەۆ قازاقستاندى بەنزينمەن قامتاماسىز ەتە الاتىندىقتارىن مالىمدەگەن بولاتىن. بۇل ءسوزدىڭ اقيقاتقا اينالۋ پروسەسىن كۇتۋ قانشا ۋاقىتتى قامتيتىنى بەلگىسىز. بىزدەگى كەمشىلىك وندىرىستەن بولەك شيكىزات وڭدەۋ كومپانيالارىنىڭ جوقتىعى، بار بولعان كۇننىڭ وزىندە قاجەتىمىزدى وتەي الماي جاتقاندىعىندا. بۇگىندە قالا كوشەلەرىندەگى كولىك كەپتەلىستەرىنە كەشىرىممەن قارايسىڭ. سەبەبى، جانار ماي بەكەتتەرىنىڭ كەزەگىندە تۇرعانداردىڭ قاراسى كوبەيگەن. ءازىربايجاننىڭ ءالى كەلمەسە، اسىل تۇقىمدى جىلقى شارۋاشىلىعى مەن ەسەككە سۇرانىس ارتايىن دەپ تۇر.

ورىنباسار باقىتبەك