بىرەر كۇن بۇرىن قازاقستاندىق بلوگەرلەر الماتى اۋەجايىنا تالعات بيگەلدينوۆتىڭ اتىن بەرۋ تۋرالى ۇسىنىس جاساعان بولاتىن.
اتالعان اقپارات تۋرالى الماتى اۋەجايىنىڭ رەسمي وكىلى جۋرناليستەرگە بەرگەن جاۋابىندا: "شىن مانىندە، تالعات بيگەلدينوۆ - باتىر، ول داڭقتى ۇشقىش. وتانىنا بەرگەنى كوپ جانە ءبىز ونىڭ ۇشقانىن كورىپ، ۇشقىش بولۋدى ارماندادىق. ءبىراق ءبىزدىڭ اۋەجاي الماتىنىڭ اتىمەن اتالعان، ول "الماتى حالىقارالىق اۋەجايى" دەپ اتالادى. اتىن اۋىستىرۋ تۋرالى اڭگىمە ايتىلىپ جاتقان جوق" دەدى.
10 قاراشا كۇنى 93 جاسقا قاراعان شاعىندا داڭقتى ۇشقىش، اۆياسيا گەنەرال-مايورى، كەڭەس وداعىنىڭ ەكى مارتە باتىرى تالعات جاقىپبەك ۇلى بيگەلدينوۆ ومىردەن وزدى.
بيگەلدينوۆ 1957 جىلى الماتى اۋەجايىنىڭ قالپىنا كەلتىرۋ جۇمىستارىنا باسشىلىق جۇرگىزىپ، ۇشۋ-قونۋ جولاعىنىڭ كەڭەيۋىنە ۇلەس قوسقان ەكەن.
