ۇلىبريتانيا بيلىگى سيريالىق بوسقىندارعا جاردەم بەرۋ ءۇشىن ءبىر ميلليون فۋنت ستەرلينگ قارجى ءبولدى. بۇل تۋرالى كورولدىكتىڭ ىشكى ىستەر ءمينيسترى امبەر رادد مالىمدەدى. ايتۋىنشا قارجى بوسقىندارعا كومەك كورسەتىپ جۇرگەن ەلدەگى قايىرىمدىلىق ۇيىمدارعا بەرىلەدى دەپ جازادى Qamshy.kz اقپارات اگەنتتىگى رامبلەر-گە cىلتەمە بەرىپ. ولار كەلىمسەكتەرگە تەزىرەك باسپانا تاۋىپ، جۇمىسقا ورنالاسۋىنا جاردەم بەرەدى. سونىمەن قاتار جاستاي تاعدىر تالكەگىنە تۇسكەن بۇلدىرشىندەردىڭ ءبىلىم الۋىن قاداعالاپ، قوعامعا ۇيرەنۋىنە كومەكتەسەدى. ال كەيبىر ەرىكتىلەر شەتەلدىكتەرگە اعىلشىن ءتىلىن تەگىن ۇيرەتەدى. ۇلىبريتانيانىڭ ىشكى ىستەر مينيسترلىگىنىڭ ايتۋىنشا، بۇگىندە ەلدە 7 مىڭ سيريالىق بوسقىن بار. بۇعان دەيىن بريتان ۇكىمەتى 2020 جىلعا دەيىن تاياۋ شىعىس پەن سولتۇستىك افريكا ەلدەرىنەن 20 مىڭ بوسقىن قابىلداۋعا ۋادە ەتكەن.