جۇڭگو بيلىگى قۇقىق جانە تارتىپتىك ەرەجەنى بۇزعانى ءۇشىن 2017 جىلى جارتى جىل ىشىندە ءارتۇرلى دەڭگەيدەگى 210 مىڭ شەنەۋنىكتى جازالادى .
بۇل جايلى قحر كپك ورتالىق كوميسسياسى تەكسەرۋ جۇرگىزگەننەن كەيىن بەلگىلى بولدى. بۇل تۋرالى Qamshy.kz اقپارات اگەنتتىگى ريا نوۆوستي-گە سىلتەمە جاساپ حابارلايدى.
"2017 جىلدىڭ ءبىرىنشى جارتىجىلدىعىندا انتيكوررۋپسيالىق ءار ءتۇرلى دەڭگەيدەگى ينستانسيالارى 1،31 ميلليون ارىز قابىلدادى، تارتىپتىك ەرەجەنى 260 مىڭ ادام بۇزعان. سونىڭ ىشىندە تارتىپتىك ەرەجەنى بۇزعان 210 مىڭ ادام جازالاندى، 176 مىڭ ادام پارتيادان قۋىلدى"، - دەلىنگەن جاريالانعان قۇجاتتا.
سونىمەن قاتار، قۇقىق بۇزعاندار قاتارىندا 38 لاۋازىمدى شەنەۋنىكتىڭ بار ەكەنى ءمالىم بولدى. ونىڭ ىشىندە پروۆينسيالدىق اكىمشىلىك پەن ءارتۇرلى مينيسترلىك قىزمەتكەرلەرى بار. مەملەكەتتىك قىزمەتتەگى باسقارما باسشىلارى مىڭنان اسادى.
