كاتارعا بويكوت جاريالاعان 4 اراب ەلى ماۋسىم ايىندا كاتارعا قويعان 13 شارتىنىڭ ورىندالۋىن تالاپ ەتۋىن توقتاتتى دەپ حابارلايدى Qamshy.kz اقپارات اگەنتتىگى.

ساۋد ارابياسى، بىرىككەن اراب امىرلىكتەرى، باحرەين مەن مىسىر بۇۇ جۋرناليستەرىنە ەندى 6 شارت قانا ورىندالسا قاناعات ەتەتىنىن حابارلادى.  

ونىڭ ىشىندە تەرروريزم مەن ەكسترەميزمگە كۇرەستى توقتاتپاۋ، ارانداتۋشىلىق ارەكەتتەردى توقتاتۋ.

تەرروريستەرگە قول ۇشىن سوزعانىن جوققا شىعارعان كاتار اتالمىش مالىمدەمەگە ءالى ءۇن قاتپادى.

كاتار ەگەمەندىگىنە ءقاۋىپ توندىرەتىن نەمەسە حالىقارالىق قۇقىقتى بۇزاتىن تالاپتاردى ورىنداۋدان ۇزىلدى-كەسىلدى باس تارتىپ وتىر.  

ەستەرىڭىزگە سالايىق، 6 اپتا بۇرىن كاتارعا قارسى قاتال شەكتەۋ قويىلعان. سونىڭ ناتيجەسىندە گازعا باي 2،7 ملن. حالقى بار امىرلىك وزىنە قاجەتتى ونىمدەردى اۋە مەن تەڭىز ارقىلى تاسىمالداۋعا ءماجبۇر.

اراب ەلدەرى بۇۇ نيۋ-يوركتە وتكەن بريفينگتە كيكىلجىڭدى بەيبىت تۇردە شەشكىسى كەلەتىنىن مالىمدەدى.

ساۋد ارابياسىنىڭ ەلشىسى ابدۋللا ءال-مۋاليمينىڭ حابارلاۋىنشا، كايرداعى كەزدەسۋدە 4 ەلدىڭ سىرتقى ىستەر مينيسترلەرى 6 نەگىزگى پرينسيپ قۇردى.  

New York Times-تىڭ حابارلاۋىنشا، بۇل پرينسيپتەر تەرروريزم مەن ەكسترەميزمگە قارسى كۇرەستى، لاڭكەستىك ۇيىمدارعا كومەك كورسەتۋ، قارجىلىق قولداۋ بىلدىرۋگە، باسقا ەلدەردىڭ ىشكى ىستەرىنە ارالاسۋ، ارانداتۋدى توقتاتۋعا نەگىزدەلگەن.

22 ماۋسىمدا كاتارعا قويىلعان 13 تالاپتىڭ ىشىندە: "ال-دجازيرا" تەلەارناسىن جابۋ، تۇرىك اسكەري بازاسىن جويۋ، «مۇسىلمان اعايىندار» ۇيىمىمەن بارلىق بايلانىستى ءۇزۋ جانە يرانمەن بايلانىستى السىرەتۋ بار.

بۇۇ ءباا تۇراقتى وكىلى لانا نۋسسەيبە كاتار باستى پرينسيپتەردى قابىلداۋعا دايىن بولماسا، ونىڭ اراب ەلدەرى كەڭەسىندە مۇشە بولىپ قالۋى قيىنعا سوعاتىنىن ەسكەرتتى.