ق ر باس پروكۋراتۋراسى ازاماتتاردىڭ ارىزى مەن وتىنىشتەرى بويىنشا بيزنەسمەن مۇراتحان توقماديگە قاتىستى تەرگەۋ جۇرگىزىپ جاتىر، - دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.

"قازاقستان رەسپۋبليكاسىنىڭ باس پروكۋراتۋراسىنىڭ ۆەدومستۆوارالىق تەرگەۋ توبىنىڭ اۋىر جانە اسا اۋىر قىلمىس جاسادى دەگەن كۇدىك كەلىپ وتىرعان توقماديگە قاتىستى سوتالدى تەرگەۋ جۇرگىزىپ جاتقانى بەلگىلى. كۇدىكتىنىڭ ءۇيىن ءتىنتۋ كەزىندە قارجى قۇجاتتارى، ايتارلىقتاي كولەمدە كريمينالدىق قارۋ، ءوق-دارى، جالعان قۇجات جانە وزگە دە زاتتاي ايعاقتار تابىلدى. ازاماتتاردىڭ ارىزى مەن ءوتىنىشى بويىنشا قوسىمشا تەرگەۋ ءجۇرىپ جاتىر، ءتوقماديدىڭ قىلمىستىق ارەكەتتەرىنىڭ وزگە دە ەپيزودتارى تەكسەرىلىپ جاتىر"، - دەپ حابارلادى ق ر باس پروكۋراتۋراسىنىڭ باسپا ءسوز قىزمەتى وكىلدەرى.

وسىعان دەيىن سوتتاعىلار مۇراتحان ءتوقماديدىڭ ەكى ايعا قاماۋعا الىنعانىن حابارلاعان ەدى. 

ەسكە سالايىق، بەلگىلى كاسىپكەر مۇراتحان ءتوقماديدى ۇلتتىق قاۋىپسىزدىك كوميتەتى مەن ىشكى ىستەر مينيسترلىگىنىڭ ارنايى جاساعى ۇيىنەن تۇتقىنداپ اكەتكەن بولاتىن. 50 جاستاعى بيزنەسمەن "دەپۋتاتتىق كورپۋس" اتتى قىلمىستىق توپقا جەتەكشىلىك ەتكەن دەلىنەدى.