استانا قالاسىندا ۆ-ۆوۋ بيشىلەرى توبى،  «Sorea Band» قىزدار ك-رور توبى ونەر كورسەتكەن، ءارى كورەيا پاۆيلونىنىڭ قۇرمەتتى ەلشىسى تانىمال اكتەر سون كان دجۋن قاتىسقان كورەيا رەسپۋبليكاسىنىڭ ۇلتتىق كۇنى اتالىپ ءوتتى، دەپ حابارلايدى Qamshy.kz اقپارات اگەنتتىگى اقمولا وبلىسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.

سونىمەن قاتار ءىس-شاراعا ساۋدا، ءوندىرىس جانە ەنەرگەتيكا مينيسترلىگىنىڭ تۇراقتى كوميسسارى كيم ەنگ سام، KOTRA (كورەيانىڭ ساۋدا جانە ينۆەستيسيالاردى ىقپالداستىرۋ اگەنتتىگى) باس ديرەكتورى كيم دجە حونگ، ق ر ينۆەستيسيالار جانە دامۋ ۆيسە-مينيسترى ەرلان حايروۆ، كورەي پاۆيلونىنىڭ كوميسسارى كيم دە سيك قاتىستى.

كيم ەنگ سام ءوزىنىڭ سالتاناتتى سوزىندە قازاقستان - كورەيا رەسپۋبليكاسىنان ورتالىق ازياعا ەڭ اۋقىمدى ينۆەستيسيا تارتقان مەملەكەت ەكەندىگىن، كورەيا رەسپۋبليكاسىنا ساياحاتتايتىن قازاقستاندىقتاردىڭ سانى 30 پايىزعا ارتقاندىعىن ايتتى.

ءسوز سوڭىندا بۇگىنگى تاڭدا «ەكسپو-2017» حمك پاۆيلونىن تاماشالاعاندار سانى 150 مىڭنان اسقاندىعىن اتاپ ءوتتى.

«قازاقستاندا 100 مىڭنان اسا ەتنيكالىق كورەيلەر تۇرادى. سوندىقتان، ەكى ۇلت اراسىنداعى قالىپتاسقان باۋىرمالدىق مەن دوستىق قاسيەت تاريحتان كەلە جاتقان قۇبىلىس دەۋگە بولادى. قازاقستان كورەيانىڭ تاجىريبەسىن بەلسەندى تۇردە قولدانىپ كەلەدى. قازىرگى تاڭدا ءتۇرلى ءبىلىم بەرۋ باعدارلامالارىنىڭ ارقاسىندا كوپتەگەن ستۋدەنتتەر ساپالى جوعارعى ءبىلىم الىپ كەلۋدە. بۇگىنگى تاڭدا «تاڭعى شىق ەلى» الەمدەگى ەڭ ەنەرگوتيىمدى ەلدەردىڭ ءبىرى بولىپ تابىلادى»، - دەپ اتاپ ءوتتى ەرلان حايروۆ.

مەرەكەلىك باعدارلاماسىنىڭ رەسمي ءبولىمى اياقتالعان سوڭ ساحنادا كورەي ۇلتىنىڭ ءداستۇرلى جاۋىنگەرلىك ونەرى – تاەكۆاندو كورسەتىلدى. بۇدان بولەك، كورمە قوناقتارى مەن جۋرناليستتەر ءۇشىن اتاقتى كورەي ءارتىسى سو كان دجۋنمەن فان ميتينگ ۇيىمداستىرىلدى.