ق ر ورتالىق اسكەري كلۋبىندا قازاقستاندىق سپورتشىلاردىڭ تمد ەلدەرى اراسىندا وتەتىن ءىى اسكەري سپورت ويىندارىنا سوڭعى دايىندىقتارى ءوتىپ جاتىر. اسكەر قىزمەتكەرلەرى اراسىنداعى سپورتتىق ويىندار 24 شىلدە مەن 1 تامىز ارالىعىندا قىرعىزستاننىڭ بالىقشى قالاسىندا وتەدى، دەپ حابارلايدى Qamshy.kz اقپارات اگەنتتىگى 24 حابار مالىمەتىنە سۇيەنىپ.
باعدارلاماعا سپورتتىڭ 6 ءتۇرى ەنگەن. ولاردىڭ ىشىندە قويان-قولتىق ۇرىس، كىر تاسىن كوتەرۋ، اسكەري-سپورتتىق كوپسايىس، وفيسەرلىك تاپسىرما، كومانديرلىك جارىس جانە نىسانا كوزدەۋ بار.
ق ر قم واسك پودپولكوۆنيگى راسۋل مەيىرمانوۆتىڭ ايتۋىنشا، الداعى باسەكەگە قازاقستاندىق سپورتشىلار تولىق دايىن جانە قازاقستاننىڭ تۋىن ابىرويمەن قورعاماق.
قارۋلى كۇشتەر كومانداسىنا ىرىكتەۋ ق ر اسكەر قىزمەتكەرلەرى اراسىنداعى سپارتاكيادا ويىندارى مەن رەسپۋبليكالىق ق ر قم واسك سپورت كەشەنىندە وتكەن چەمپيوناتتىڭ قورىتىندىسى بويىنشا ىرىكتەلىپ الىنعان. وقۋ-جاتتىعۋ جۇمىستارىنىڭ بارلىعى جاقسى ءوتتى. ەندى قىرعىزستان جەرىندە ءساتتى ونەر كورسەتەمىز دەگەن سەنىمدەمىن، – دەدى ر.مەيىرمانوۆ.
ەسكە سالايىق، 2015 جىلى ماسكەۋ قالاسىندا وتكەن تمد ەلدەرىنىڭ اسكەري سپورت ويىندارىندا قازاقستان قۇراماسى جالپى كوماندالىق ەسەپتە ەكىنشى ورىندى العان بولاتىن.
