سوتقا قاعاز تاسىپ، ۇزىن سونار كەزەك كۇتپەي، ارىز-شاعىمدى ۇيدە وتىرىپ جازىپ، ەلەكتروندى تۇردە جۇگىنۋگە مۇمكىندىك تۋدى دەپ حابارلايدى Qamshy.kz اقپارات اگەنتتىگى 24.kz-كە سىلتەمە بەرىپ. ياعني ەلەكتروندىق سوت بۇيرىعى ەنگىزىلدى. بۇل تۋرالى بۇگىن سوت تورەلىگىن جۇزەگە اسىرۋ قورىتىندىلارىنا ارنالعان رەسپۋبليكا سۋديالارىنىڭ كەڭەيتىلگەن وتىرىسىندا بەلگىلى بولدى. ازىرگە پيلوتتىق جوبا رەتىندە استانا قالالىق سارىارقا اۋداندىق سوتىندا جۇزەگە اسا باستادى. بارلىعى ارنايى قۇرىلعان سەرۆيستىك جۇيە ارقىلى ىسكە اسادى. سوتقا دەيىنگى تەرگەۋ امالدارىنا بايلانىستى بەرىلەتىن سانكسيا دا ەلەكتروندى تۇردە بەرىلەدى. ءتىپتى سوت وتىرىسىنىڭ ءوزى وسىنداي نۇسقاعا كوشۋى مۇمكىن. ءقازىر قازىلاردىڭ ءماجىلىس زالدارى تەحنيكالىق تۇرعىدا جاراقتاندىرىلىپ جاتىر. جوبا وسى جىلدىڭ سوڭىنا دەيىن تولىق ەنگىزىلەتىن بولادى.