پاۆلودار وبلىسىنا جۇمىس ساپارى بارىسىندا ق ر پرەمەر-مينيسترى باقىتجان ساعىنتايەۆ تەمىرجول بىلىگى مەن قوس دوڭگەلەك شىعاراتىن «R.W.S. Wheelset» ج ش س زاۋىتى مەن جىلدامدىقتى جىلجىمالى قۇرامدار ءۇشىن باعىتتامالىق بۇرمالار مەن تەمىرجول دوڭگەلەكتەرىن شىعارۋمەن اينالىساتىن «پرومماشكومپلەكت» جشس-نە باردى دەپ جازادى Qamshy.kz اقپارات اگەنتتىگى ق ر پرەمەر-مينيستردىڭ باسپا ءسوز قىزمەتىنە سىلتەمە جاساپ.

«R.W.S. Wheelset» ج ش س ديرەكتورى ا. سلوبودوۆ جوعارى تەحنولوگيالىق وڭدەۋشى جانە ولشەۋ جابدىعى كەشەنىنىڭ، وندىرىستىك ۇدەرىستەردى اۆتوماتتاندىرۋ مەن قوزعالىس جۇيەلەرىنىڭ جۇمىستارى تۋرالى باياندادى.

«R.W.S. Wheelset» وندىرىستىك قۋاتتىلىعى جىلىنا 10 مىڭ قوس دوڭگەلەك پەن 32 مىڭ تەمىرجول بىلىگىن قۇرايدى. كاسىپورىندا جاڭعىرتۋ 3.0 باعدارلاماسىن ىسكە اسىرۋ اياسىندا وسىندا شىعارىلاتىن قوس دوڭگەلەك پەن تازا بىلىكتەردىڭ نومەنكلاتۋراسىن ۇلعايتۋ كوزدەلىپ وتىر.

«قتج» ۇك» اق پرەزيدەنتى ق. الپىسبايەۆ «R.W.S. Wheelset» جشس-نىڭ سۇرانىسقا يە ونىمدەرى تۋرالى باياندادى. ول «قتج» ۇك» اق مەن رەسپۋبليكانىڭ ۆاگون جوندەۋ كاسىپورىندارىن يننوۆاسيالىق تەحنولوگيالار بويىنشا شىعارىلعان، جۇك ۆاگوندارىنا ارنالعان تەمىرجول بىلىكتەرى مەن قوس دوڭگەلەكتەرمەن قامتاماسىز ەتەدى.

وسىعان وراي، «قتج» ۇك» اق تەمىرجول بىلىكتەرى مەن قوس دوڭگەلەكتەردى 2020 جىلعا دەيىن جەتكىزۋ بويىنشا ۇزاقمەرزىمدى كەلىسىمشارتقا قول قويۋ تۋرالى حاتتامالىق شەشىم قابىلدادى.

«پرومماشكومپلەكت» زاۋىتىنىڭ ديرەكتورى ا. حاچاتۋريان ءوندىرىستى قارقىنداتۋ، ەڭبەك ونىمدىلىگى مەن ءونىمنىڭ باسەكەگە قابىلەتتىلىگىن ارتتىرۋ بويىنشا قابىلدانىپ جاتقان شارالار تۋرالى مالىمدەدى.

«پرومماشكومپلەكت» جاڭعىرتۋ 3.0 اياسىندا 2018 جىلدىڭ باسىندا جاڭا قۋاتتىلىقتاردى ىسكە قوسۋدى جوسپارلاپ وتىر. دوڭگەلەك ءوندىرىسىن جاڭعىرتۋ قوسىمشا 400 جۇمىس ورنىن اشۋدى كوزدەيدى.