ەلەكتر ەنەرگياسىنا قاتىستى قازاقستان مەن قىرعىزستان اراسىنداعى كەلىسسوزدەر تابىستى بولماي شىقتى. ال وزبەكستان ءبىر مامىلەگە كەلىپ، 16 ماۋسىمدا باستالعان ەلەكتر ەنەرگياسىن ساتىپ الۋ ىسىنە قاتىستى ۇزاق مەرزىمگە كەلىسىمشارت جاساستى. بۇل جايىندا قىرعىزستاننىڭ «ەلەكتر ستانسيالارى» اق مالىمدەدى، دەپ حابارلايدى Qamshy.kz اقپارات اگەنتتىگى centralasian.org سايتىنا سىلتەمە جاساپ.

كومپانيانىڭ مالىمەتىنشە، بيىل توقتاعۇل سۋ قويماسىنداعى سۋ ارتىق بولادى دەگەن بولجام بار. «ەلەكتر ستانسيالارى» اق تاراپىنان قازاقستان جانە وزبەكستان ەلدەرىمەن كەلىسسوزدەر جاسالعان بولاتىن. ناتيجەسىندە، وزبەكستانمەن بىتىمگە كەلىپ، كەلىسىمشارت جاساسقان. وزبەكستانعا 2 سەنت باعامەن ەلەكتر ەنەرگياسىن تاسىمالداۋ ءىسى 16 ماۋسىمدا باستالعان بولاتىن.

الايدا، ەلەكتر ەنەرگياسىن مۇنداي كولەمدە ەكسپورتتاۋ جەتكىلىكسىز بولىپ وتىر. سەبەبى توقتاعۇل سۋ قويماسىنداعى سۋ مولشەرى ءوز دەڭگەيىنەن اسىپ كەتۋ ءقاۋىپى بار.

مەملەكەتتىك ەەنەرگيا حولدينگىنىڭ مالىمەتىنشە، سۋ رەسۋرستارىن باسقارۋ ءۇشىن ەلەكتر ەنەرگياسىن ەكسپورتتاۋعا قاتىستى ماسەلەلەر  بيىلعى جىلدىڭ اقپان ايىندا باستالعان. سۋ تولىپ كەتكەن جاعدايدا، توقتاعۇل بوگەتى ارقىلى تەحنيكالىق سۋ شىعارىلىمدارىن جاساۋ قاجەت.