قازاقستان مەن گرۋزيا بارلىق باعىتتار بويىنشا ىنتىماقتاستىقتى نىعايتۋدى جالعاستىرىپ كەلەدى.

2017 جىلى ەكى ەلدىڭ ديپلوماتيالىق قارىم-قاتىناس ورناتقانىنا 25 جىل تولادى، دەپ حابارلايدى Qamshy.kz اقپارات اگەنتتىگى. 1992 جىلدىڭ شىلدەسىندە الماتىدا گرۋزيانىڭ ديپلوماتيالىق ميسسياسى اشىلدى. 2003 جىلى استاناعا اۋىستى.

25 جىلدىڭ ىشىندە ەكى ەل مادەني، ەكونوميكالىق، ساياسي ىنتىماقتاستىعىن نىعايتىپ كەلەدى. قازاقستاننىڭ گرۋزياداعى ەلشىسى ەرمۇحامەت ەرتىسبايەۆ حابار ارناسىنا بەرگەن سۇحباتىندا گرۋزيانىڭ قازاقستان ءۇشىن ماڭىزدى ستراتەگيالىق سەرىكتەس ەكەنىن ايتتى.

«جاي عانا ساندى اتاساق تا بولادى – قازاقستان $340 ميلليوننان جوعارى قارجىنى گرۋزيانىڭ ەكونوميكاسىنا جۇمسادى. بۇل جەردە ءىرى ۇلتتىق كومپانيالار بوي كوتەرگەن – «قازمۇنايگاز»، «قازترانسويل». قازاقستاننىڭ گرۋزيادا ءوز اكتيۆتەرى بار. قازاقستان 49 جىلعا جالعا العان باتۋم پورتى بارىنە ءمالىم. ءبىز اشىق تەڭىزگە شىعا المايتىندىقتان، گەوستراتەگيالىق جوسپار تۇرعىسىنان دا گرۋزيانىڭ قازاقستان ءۇشىن ماڭىزى زور».