تەحاستا جۇك كولىگىنەن 8 ادامنىڭ ءمايىتى تابىلدى. مايىتتەر اراسىندا ەكى بالانىڭ ءولى دەنەسى بار. وقيعا اقش-تىڭ تەحاس شتاتىندا بولعان، دەپ حابارلايدى Qamshy.kz اقپارات اگەنتتىگى شەتەلدىك ب ا ق مالىمەتىنە سۇيەنىپ.
كۇدىكتى كورىنگەن جۇك كولىگى جايلى پوليسەيلەرگە تاياۋداعى دۇكەن قىزمەتكەرلەرىنىڭ ءبىرى حابارلاعان. تەكسەرۋ كەزىندە ونىڭ تىركەمەسىنىڭ ىشىندە مارقۇمداردان بولەك تاعى 28 ادامنىڭ وتىرعانى انىقتالدى. كوبىسى السىرەپ، جاعدايى ناشارلاپ كەتىپتى. سوندىقتان ءبىرازى اۋرۋحاناعا جەتكىزىلدى.
الدىن الا جاسالعان بولجام بويىنشا ، قاماۋداعىلاردىڭ بارلىعى مەكسيكالىق بولۋى مۇمكىن. ويتكەنى تەحاس شتاتى مەكسيكامەن اراداعى شەكارادا ورنالاسقان. الايدا نە سەبەپتى قاماۋعا الىنعاندارى حابارلانعان جوق.
