«بايتەرەك» ۇبح» اق-نىڭ ەنشىلەس ۇيىمى بولىپ تابىلاتىن «تەحنولوگيالىق دامۋ جونىندەگى ۇلتتىق اگەنتتىك» اق (بۇدان ءارى «تدۇا» اق)، ق ر ينۆەستيسيالار جانە دامۋ مينيسترلىگىمەن بىرلەسىپ يننوۆاسيالىق جوبالاردى گرانتتىق قارجىلاندىرۋدىڭ جاڭا باعدارلاماسىن جۇزەگە اسىرۋدى باستايدى دەپ حابارلايدى Qamshy.kz اقپارات اگەنتتىگى. بۇل تۋرالى «تدۇا» اق باسقارما ءتوراعاسى مارات وماروۆ حابارلادى.

يننوۆاسيالىق گرانتتاردى الۋعا وتىنىمدەر 2017 جىلدىڭ 2 تامىزىنان باستاپ 2 قازان ارالىعىندا قاعاز تۇرىندە قابىلدانادى، سونىمەن بىرگە، Digital Baiterek ينتەرنەت پورتالى ارقىلى بەرۋگە بولادى.

«ءبىز بيزنەس پروسەستەردى قايتا ينجەنەرلەۋدى وتكىزدىك جانە گرانتتاردى بەرۋ شارتتارىن جاقسارتتىق. ەگەر بۇرىندارى ءجيى بيزنەس ءۇشىن تارتىمسىز بولىپ تابىلاتىن جانە سوڭعى ءونىمدى شىعارۋدى  قاراستىرمايتىن گرانتتىڭ 9 ءتۇرلى تۇرلەرى قاراستىرىلعان بولسا،  ال قازىرگى تاڭدا، ولاردى قارجىلاندىرۋدى شەكتەۋ ايتارلىقتاي ۇلعايىپ 3 تۇرگە توپتاستىرىلدى» - دەپ «تدۇا» اق باسشىسى مارات وماروۆ اتاپ ءوتتى.

جۇمىس ىستەپ تۇرعان كاسىپورىنداردىڭ تەحنولوگيالىق دامۋىنا يننوۆاسيالىق گرانتتاردى بەرۋدىڭ جاڭا ەرەجەلەرىنە سايكەس،  گرانتتىڭ سوماسى ليسەنزيالىق شارت بويىنشا دالەلدەنگەن شىعىنداردىڭ 70% دەيىن جانە (نەمەسە) جابدىقتاردى ساتىپ الۋ ءۇشىن دالەلدەنگەن شىعىنداردىڭ 50% دەيىن قۇرايدى،  اقشالاي تۇردە 400 ملن. تەڭگەگە دەيىن.

گرانت وزىق/قازىرگى زامانعى وتاندىق جانە شەتەلدىك تەحنولوگيالاردى ترانسفەرتتەۋ ارقىلى كاسىپورىنداردىڭ تەحنولوگيالىق دەڭگەيىن ارتتىرۋعا باعىتتالعان.

سالالاردىڭ تەحنولوگيالىق دامۋىنا گرانتتىڭ كولەمى، ليسەنزيالىق شارت بويىنشا دالەلدەنگەن شىعىنداردىڭ 70% دەيىن جانە جابدىقتاردى ساتىپ الۋ ءۇشىن دالەلدەنگەن شىعىنداردىڭ 50% دەيىن جانە  تەحنولوگيالىق قۇزىرەتتى ارتتىرۋ بويىنشا دالەلدەنگەن شىعىندارعا كەتكەن شىعىستاردىڭ 85% دەيىن قۇرايدى، اقشالاي تۇردە 500 ملن. تەڭگەگە دەيىن.

گرانت نەگىزىنەن تاجىريبەگە، بىلىمگە، داعدىلانۋعا، وزىق جانە قازىرگى زامانعى وتاندىق جانە شەتەلدىك تەحنولوگيالاردى ترانسفەرتتەۋ ارقىلى جۇمىس ىستەپ تۇرعان سالالاردىڭ دامۋىنا باعىتتالعان.

تەحنولوگيالاردى كوممەرسيالاۋ گرانتىنىڭ كولەمى، دالەلدەنگەن شىعىنداردىڭ 50% دەيىن قۇرايدى، اقشالاي تۇردە 200 ملن. تەڭگەگە دەيىن.

گرانت ءوز وندىرىسىندە عىلىمي جانە عىلىمي-تەحنيكالىق قىزمەت ناتيجەلەرىن ەنگىزۋگە باعىتتالعان.

گرانت تۇرلەرىنىڭ ءارقايسىسى بويىنشا يگەرۋ مەرزىمى 36 ايدان اسپاۋعا ءتيىس.

جالپى، 2011 جىلدان  باستاپ 2016 جىل ارالىعىندا  جالپى سوماسى 12،2 ملرد. تەڭگەگە 328 شارت جاسالدى، سونىمەن قاتار،  2016 جىلى 1،9 ملرد. تەڭگە سوماعا 66 شارت جاسالدى.

جالپى العاندا، گرانتتىق قارجىلاندىرۋ باعدارلاماسىن جۇزەگە اسىرۋ وڭ الەۋمەتتىك-ەكونوميكالىق ديناميكانى كورسەتۋدە. وسىلايشا، گرانت الۋشىلاردىڭ مالىمەتى بويىنشا، 2014 جىلدان باستاپ 2017 جىلدىڭ 1ء-شى جارتى جىلدىعى ارالىعىندا، يننوۆاسيالىق گرانتتاردى جۇزەگە اسىرۋ ناتيجەسىندە 2773 جۇمىس ورنى قۇرىلدى، 7،6 ملرد. تەڭگەدەن استام قارجىلىق سالىقتار تولەندى، 131،4 ملرد. تەڭگەدەن استام سوماعا ونىمدەر ءوندىرىلدى.

تەحنولوگيالىق دامۋ جونىندەگى ۇلتتىق اگەنتتىگى (تدۇا) يننوۆاسيالىق دامۋ پروسەستەرىن ۇيلەستىرۋدى قامتاماسىز ەتۋ ءۇشىن جانە مەملەكەتتىك قولداۋ شارالارىن ۇسىنۋدا جاردەمدەسۋ ءۇشىن قۇرىلعان.

تدۇا اق «بايتەرەك» ۇلتتىق باسقارۋشى حولدينگ» اق قۇرىلىمىنا كىرەدى.