بۇگىن ق ر ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ ۇجىمعا جاڭا كەڭەسشىلەر دۇيسەنوۆ ارسەنيي كەڭەس ۇلى جانە قۇلەكەيەۆ باقىتجان كەڭەسۇلىن تانىستىردى دەپ حابارلايدى Qamshy.kz اقپارات اگەنتتىگى.

ارسەنيي دۇيسەنوۆ جاڭا لاۋازىمدا اقپاراتتىق-يميدجدىك جۇمىس ماسەلەلەرى، ءدىن جانە ازاماتتىق قوعام سالاسىنداعى مەملەكەتتىك ساياساتتى ءتۇسىندىرۋ بويىنشا شارالار، سونىمەن قاتار قوعاممەن بايلانىستى قولداۋدى قاداعالايدى.

ول وسى تاعايىنداۋعا دەيىن «قازاقستان» رترك» شىعىس قازاقستان جانە اقمولا وبلىستارىنداعى فيليالدارىنىڭ ديرەكتورى، «قازاقستان» رترك» ايماقتىق تاراتۋدى دامىتۋ ديرەكسياسىنىڭ ديرەكتورى قىزمەتىن اتقارعان.

ءار جىلدارى قىزىلوردا وبلىسى اكىمىنىڭ، ق ر ەڭبەك جانە حالىقتى الەۋمەتتىك قورعاۋ ءمينيسترىنىڭ ءباسپاسوز-حاتشىسى لاۋازىمىندا بولدى. ا. دۇيسەنوۆ قازاقستان باس رەداكتورلار كلۋبىنىڭ ۆيسە-پرەزيدەنتى جانە حالىقارالىق تەليەۆيدەنيە جانە راديو اكادەمياسىنىڭ اكادەميگى.

سونداي-اق، ق ر ءدىن ىستەرى جانە ازاماتتىق قوعام ءمينيسترىنىڭ كەڭەسشىسى لاۋازىمىنا باقىتجان قۇلەكەيەۆ تاعايىندالدى. ول بۇل لاۋازىمدا ءدىني سۇراقتار جانە ءدىني ۇيىمدارمەن بايلانىس ماسەلەلەرىن قاداعالايدى.

ب. قۇلەكەيەۆ وسىعان دەيىن ق ر ءدىن ىستەرى جانە ازاماتتىق قوعام مينيسترلىگى ءدىن ىستەرى كوميتەتى ءتوراعاسىنىڭ ورىنباسارى لاۋازىمدى قىزمەتىن اتقارعان.