24 شىلدە رەسەي پاۆيلونى الاڭىندا چەليابينسك وبلىسىنىڭ «قولجەتىمدى ەنەرگيا: ينفراقۇرىلىمداعى يننوۆاسيا» تاقىرىپتىق اپتالىعى باستالدى. شارالار لەگىن «ۋرال» مەملەكەتتىك بي ءانسامبلىنىڭ كونسەرتتىك باعدارلاماسى اشتى. بۇگىن چەليابينسك وبلىسىنىڭ ستەندى اشىلدى. وندا وڭتۇستىك ۋرال ەنەرگەتيكا سالاسىندا، ونىڭ ىشىندە بالامالى كوزدەرى تۋرالى كومپانيالار مەن عىلىمي ۇيىمداردىڭ جوبالارى ۇسىنىلدى. 
چەليابينسك وبلىسىنىڭ گۋبەرناتورى بوريس دۋبروۆسكيي استاناعا رەسەي فەدەراسياسىنىڭ پاۆيلونىندا چەليابينسك وبلىسىنىڭ كۇندەرىنىڭ اشىلۋىنا جانە «بيزنەس ەنەرگياسى – دامۋ ەنەرگياسى» بيزنەس-فورۋمىنا قاتىسۋ ماقساتىندا ارنايى كەلدى.

-قۇرمەتتى بوريس الەكساندروۆيچ، قازاقستاننىڭ استاناسى – استانادا، ەكسپو-2017 كورمەسىندە ءوزىڭىزدى كورگەنىمىزگە قۋانىشتىمىز. ءبىزدىڭ حالقىمىزدىڭ، ەل باسشىلارىنىڭ قارىم-قاتىناسى مەن ستراتەگيالىق سەرىكتەستىگى بارلىق باعىتتا قارقىندى دامۋدا. ءبىز، استانا رەسەيلىك ايماقتارمەن ساۋدا، تۋريزم، ءتىپتى بارلىق باعىتتا ارىپتەستىگىمىزدى دامىتقىمىز كەلەدى. سول سەبەپتى ەكسپو كورمەسىندە چەليابينسك وبلىسىنىڭ اپتالىعى، كوپتەگەن كونفەرەنسيالار، دوڭگەلەك ۇستەلدەر، بيزنەس وكىلدەرىمەن كەزدەسۋلەر ءوتىپ جاتىر. ءبىز ءساتتى كەلىسسوزدەر جۇرگىزىپ، بىرلەسكەن جوبالارىمىز تۋرالى سويلەستىك، - دەدى قالا باسشىسى چەليابينسك وبلىسى اپتالىعىنىڭ اشىلۋ راسىمىندە. 
كەزدەسۋ اياسىندا تاراپتار ەكى ايماق اراسىنداعى قارىم-قاتىناستىڭ باسىم باعىتتارىن تالقىلادى. تاجىريبەمەن ءبولىسۋ باعىتىنداعى نەگىزگى ماسەلە – شىۇ مەن ءبرۇقو سامميتتەرىنە دايىندالۋ جانە وتكىزۋ ، ونىڭ ىشىندە قالالىق ينفراقۇرىلىم نىساندارىنا قاتىستى بولدى. سونىمەن قاتار ءوڭىر باسشىلارى قازاقستان مەن رەسەيدىڭ ءىرى ايماقتارىندا اقىلدى قالا جۇيەسىن ەنگىزۋ ماسەلەلەرىن سارالادى. ماشينا قۇرىلىسى سالاسىندا ىنتىماقتاستىق ورناتۋ دا ءسوز بولدى. چەليابينسك وبلىسى قازاقستانعا ازىق-تۇلىك يمپورتتاۋدى ۇسىندى.

ەكى جاقتى كەلىسسوزدىڭ ەڭ ماڭىزدى سۇراقتارىنىڭ ءبىرى ايماقتار اراسىنداعى لوگيستيكالىق مۇمكىندىكتى ۇلعايتۋ بولدى. اتاپ ايتار بولساق، استانا-چەليابينسك اۋە رەيسىن اشۋ جانە «ەكاتەرينبۋرگ –چەليابينسك» ۋرال جىلدام ماگيسترال قۇرىلىسىن مۇمكىندىگىنشە استانانى قامتۋ ارقىلى جۇرگىزۋ ۇسىنىلدى. 
كەلىسىلگەن سۇراقتار ساپالى جۇزەگە اسۋى ءۇشىن گۋبەرناتور مەن اكىم بىرلەسىپ، جوبالاردىڭ جۇزەگە اسۋىن قامتاماسىز ەتۋ ماقساتىندا جۇمىس توبىن قۇرۋعا كەلىستى. 
ء-بىز استانا مەن چەليابينسك اراسىندا مىندەتتى تۇردە جاڭا رەيس اشامىز دەپ بولجادىق. ازىرگە اپتاسىنا 2-3 رەيس بولادى دەپ جوسپارلاۋدامىز. بۇل بيزنەستىڭ، تۋريستىك قارىم-قاتىناستىڭ ارتۋىنا جاڭا سەرپىن بەرەتىنىنە سەنىمدىمىن. قازاقستاندىق دوستارعا ءبىزدىڭ ۇسىنارىمىز كوپ. سىزدەردە دە چەليابينسك تۇرعىندارىنا كورسەتەر دۇنيەلەرىڭىز كوپ. ءبىراق ەكسپو جۇمىسىمەن بىزگە مۇندا كەلۋ وتە قىزىق بولادى، - دەدى بوريس دۋبروۆسكيي. 

بۇدان بولەك، چەليابينسك وبلىسىنىڭ اپتالىعى اياسىندا كونفەرەنسيا، بيزنەس-فورۋمدار كاسىپكەرلەرمەن كەزدەسۋلەر وتەدى، كەلىسسوزدەر جۇرگىزىلەدى. ەرتەڭ «بالامالى ەنەرگەتيكانىڭ بولاشاعى: رەالدار مەن كەلەشەگى» تاقىرىبىندا عىلىمي-پراكتيكالىق كونفەرەنسيا وتەدى.