2017 جىلى «نۇرلى جول» باعدارلاماسىن جۇزەگە اسىرۋ ءۇشiن 484،2 ملرد. تەڭگە قاراستىرىلعان. بۇل تۋرالى ۇكiمەت وتىرىسىندا ۇلتتىق ەكونوميكا مينيسترi تيمۋر سۇلەيمەنوۆ ايتتى، دەپ حابارلايدى Qamshy.kz اقپارات اگەنتتىگى.  

«مەملەكەتتiك باعدارلامانى جۇزەگە اسىرۋ ءۇشiن 2017 جىلى 484،2 ملرد. تەڭگە قاراستىرىلعان. ونىڭ iشiندە 2017 جىلعى 1 شiلدەگە دەيiن 126،5 ملرد. تەڭگە يگەرiلدi. 2017 جىلى ۇلتتىق قور قارجىسىنان 109 بiلiم بەرۋ نىسانىنىڭ قۇرىلىسىنا 71،7 ملرد. تەڭگە قاراستىرىلعان. ونىڭ 53-i اۋىسپالى نىسان، 56-ى جاڭا نىسان»، - دەدi «نۇرلى جول» مەملەكەتتiك باعدارلاماسىنىڭ 2017 جىلعى 1-شi جارتى جىلدىقتاعى قورىتىندىسى تۋرالى بايانداعان سۇلەيمەنوۆ.

مينيستردiڭ ايتۋىنشا، بيىلعى جىلعى 1 شiلدەدەگi جاعداي بويىنشا، جەرگiلiكتi بيۋدجەتكە 30،4 ملرد. تەڭگە اۋدارىلدى جانە تولىق كولەمدە يگەرiلدi. جامبىل، قاراعاندى جانە ءوڭتۇستiك قازاقستان وبلىستارىندا 1150 ورىندىق 3 مەكتەپ جانە ماڭعىستاۋ مەن شىعىس قازاقستان وبلىستارىندا 2 بالاباقشا iسكە قوسىلدى.

«رەسپۋبليكالىق ماڭىزى بار 22 نەگىزگى اۆتوجول جوبالارىن جۇزەگە اسىرۋ ءۇشىن 2017 جىلى رەسپۋبليكالىق بيۋدجەتتەن جانە ۇلتتىق قور قارجىسىنان 259،8 ميلليارد تەڭگە قاراستىرىلىپ، ونىڭ ىشىندە 2017 جىلدىڭ 1 شىلدەسىنە دەيىن 51،5 ملرد. تەڭگە يگەرىلدى. سونىمەن قاتار، قوسىمشا حالىقارالىق قارجى ۇيىمدارىنان 96،4 ملرد تەڭگە تارتىلىپ، بۇگىنگە دەيىن ونىڭ 13،2 ملرد. تەڭگەسى يگەرىپ وتىر. جالپى العاندا، اعىمداعى جىلى قۇرىلىس جانە قايتا جاڭعىرتۋ ارقىلى 4،4 مىڭ كم جولدى قامتىپ، 602 كم پايدالانۋعا بەرۋ جوسپارلانىپ وتىر.

سونداي-اق، لوگيستيكالىق ينفراقۇرىلىمدى دامىتۋ ءۇشىن 2017 جىلى ۇلتتىق قور قارجىسى ەسەبىنەن جانە رەسپۋبليكالىق بيۋدجەتتەن 55 ملرد. تەڭگە قاراستىرىلىپ، ونىڭ ىشىندە 15 ملرد. تەڭگە يگەرىلدى. وسى قاراجات قۇرىق پورتىنىڭ ەكىنشى كەزەڭى مەن استانا اۋەجايىنىڭ قۇرىلىسىنا جۇمسالادى. اتاپ ايتقاندا، قۇرىق پورتىنداعى پارومدىق كەشەننىڭ ەكىنشى كەزەڭىن ىسكە اسىرۋ ءۇشىن 50 ملرد. تەڭگە قاراستىرىلعان، ونىڭ ىشىندە اعىمداعى جىلدىڭ 1 شىلدەسىندە «قازاقستان تەمىر جولى» 15 ملرد. تەڭگە يگەردى»، - دەدى مينيستر.

ءمينيستردىڭ ايتۋىنشا، قۇرىلىس-مونتاجداۋ جۇمىستارى كەستەگە سايكەس جۇرگىزىلۋدە. ال استانانىڭ حالىقارالىق اۋەجايىنداعى جولاۋشىلار تەرمينالى، وسى جىلدىڭ 31 مامىرىندا پايدالانۋعا بەرىلگەن.

«وسى نىساننىڭ قوسىمشا ينفراقۇرىلىمى ءۇشىن 2017 جىلى ۇلتتىق قور قارجىسى ەسەبىنەن 5 ملرد. تەڭگە ءبولىندى. جوسپار بويىنشا قارجى اعىمداعى جىلدىڭ جەلتوقسان ايىنا دەيىن يگەرىلۋى قاجەت»، - دەدى سۇلەيمەنوۆ.