اقش كونگرەسىنىڭ جوعارعى پالاتاسى دەنساۋلىق ساقتاۋ اكتىسى بويىنشا سەيسەنبى كۇنى «وباما زاڭى» پىكىرتالاسىن وتكىزۋگە داۋىس جينادى، دەپ جازادى Qamshy.kz اقپارات اگەنتتىگى.

 بۇل پروسەستىڭ ناتيجەسىندە باراك وباما پرەزيدەنت بولعان جىلدارداعى مەديسينالىق ساقتاندىرۋدىڭ رەفورماسى جويىلۋى مۇمكىن.

سەناتورلار مەن دەموكراتتار «وباما زاڭىنا» قارسى سويلەيتىن بولادى. رەسپۋبليكالىقتاردىڭ اراسىندا بۇل زاڭناما بويىنشا پىكىرى قالىپتاسپاعاندار دا بار. كەي ادامدار زاڭنامانى جۇزەگە اسىرۋ ارقىلى پرەزيدەنت ترامپ پەن رەسپۋبليكالىق پارتيا باسشىلىعىنىڭ ماقساتتارىنىڭ ورىندالمايتىنىن ايتادى. ماسەلەن، دەنساۋلىق ساقتاۋ جنە ساقتاندىرۋ پوليستەرى قۇىنىنىڭ ءتۇسۋى. دونالد ترامپتىڭ مالىمدەۋىنشە، «امەريكا «وباما زاڭى» اتالاتىن سۇمدىقتان قۇتىلۋعا ءبىر تابان جاقىن بولادى».

پىكىرتالاستار مەن كەلىسسوزدەردىڭ فورمالدى پروسەسى بىرنەشە كۇنگە سوزىلادى. سەيسەنبى كۇنى وتكەن العاشقى داۋىس بەرۋ كەزىندە رەسپۋبليكالىق جوبا قابىلدانباعان. ەندى رەسپۋبليكالىقتار زاڭنىڭ جاڭا نۇسقاسىن داۋىسقا سالماق.