ەلباسى جولداۋىندا اۋىلش شارۋاشىلىعىن دامىتۋ تۋراسىندا "وندىرىستە سۇرانىسقا يە اگرارلىق عىلىمي زەرتتەۋلەرگە سالىناتىن ينۆەستيسيا كولەمىن ارتتىرۋ كەرەك. اۋىل شارۋاشىلىعىن ءارتاراپتاندىرىپ، 2021 جىلعا قاراي ازىق-تۇلىك تاۋارى ەكسپورتىن 40%-عا كوبەيتۋدى تاپسىرامىن. بۇل مىندەتتەر اگروونەركاسىپ كەشەنىن دامىتۋدىڭ جاڭا مەملەكەتتىك باعدارلاماسى اياسىندا ىسكە اسىرىلۋى قاجەت"، - دەلىنگەن ەدى.

ق ر پرەمەر-مينيسترىنىڭ ورىنباسارى،  اۋىل شارۋاشىلىعى ءمينيسترى ا.مىرزاحمەتوۆ ەلىمىزدىڭ باتىس ايماعىنا جاساعان جۇمىس ساپارىنىڭ جالعاسى رەتىندە ماڭعىستاۋ وبلىسىندا بولدى دەپ حابارلايدى Qamshy.kz اقپارات اگەنتتىگى.

ۆيسە-پرەمەر  ەلباسى جولداۋىنداعى دامۋ باعىتتارىنىڭ اتقارىلۋىن قاداعالادى. ءتۇپقاراعان اۋدانىنىڭ اقشۇقىر اۋىلىنداعى «كازاح وسەتر» جشس-نا باردى. اتالعان سەرىكتەستىك وڭىردەگى بىردەن-بىر بەكىرە ەتىن شىعاراتىن بەكىرە فەرماسى بولىپ تابىلادى.

مۇنان سوڭ وبلىستىق اكىمدىكتە اوك-تى دامىتۋدىڭ مەملەكەتتىك باعدارلاماسىن ىسكە اسىرۋعا ارنالعان وتىرىس بولىپ ءوتتى جانە دە وندا مال شارۋاشىلىعى، مال شارۋاشىلىعى ونىمدەرىن قايتا وڭدەۋ، ۆەتەرينارلىق قاۋىپسىزدىك پەن بالىق شارۋاشىلىعى ماسەلەلەرى قارالدى.

وتىرىسقا ماڭعىستاۋ جانە اتىراۋ وبلىستارىنىڭ تۇرعىندارى، شارۋالار مەن سالالىق قوعامداستىقتار وكىلدەرى قاتىستى.

وسىناۋ ەكى وبلىستىڭ كاسپيي ماڭىنداعى گەوگرافيالىق تۇرعىدا قاناتتاسا ورنالاسۋىن ەسكەرە وتىرىپ، ءبىرىنشى كەزەكتە بالىق شارۋاشىلىعىنا باسا ءمان بەرىلدى. ول جەردە اعىمداعى جاعدايعا بايلانىستى بۇعان دەيىن ءداستۇرلى تۇردە وندىرىستىك اۋلاۋعا نەگىزدەلىپ كەلگەن بالىق شارۋاشىلىعى سالاسىنىڭ كوپ جىلدىق ستراتەگياسىن تۇبەگەيلى وزگەرتۋ كەرەكتىگى اتاپ ءوتىلدى. ياعني، تابيعي سۋاتتاردان بيورەسۋرستاردى العاننان بولەك، تاۋارلىق بالىق ءوسىرۋدى قولعا العان ءجون.

جالپىلاي العاندا، تاۋارلىق بالىق شارۋاشىلىعى مەملەكەتتىك قولداۋدىڭ ارقاسىندا ەلدىك اۋقىمدا جاعىمدى ديناميكا كورسەتىپ وتىر. اوك-تى دامىتۋ باعدارلاماسى اياسىندا تاۋارلىق بالىقتى ءوندىرۋدى 2021 جىلعا قاراي 5 مىڭ تونناعا دەيىن جەتكىزۋ جوسپارلانۋدا.

اتالعان رەسمي قۇجاتتا بالىق جەمىن سۋبسياديالاۋ جولىمەن العاش رەت كاسىپكەرلەردىڭ شىعىندارىن جارىم-جارتىلاي ءوندىرۋ (30%) ماسەلەسى دە قاراستىرىلعان.

سونىمەن قاتار، جابىق سۋمەن قامتاماسىز ەتۋ جۇيەلەرىن ورناتۋ ارقىلى بالىق ءوسىرۋ شارۋاشىلىقتارىن قۇرۋعا بەرىلەتىن ينۆەستيسيالىق سۋبسيديالار كول ماڭىنداعى شارۋاشىلىقتارعا ارنايى قۇرال-جابدىقتار مەن ارنايى ترانسپورت الۋعا دا قاراستىرىلعان.

بالىق اۋلاۋشىلار ءۇشىن جاڭالىق بولىپ وتىرعان جايدىڭ ءبىرى – تىيىم سالىنعان اۋلاۋ قۇرالدارىنا تىيىم سالۋ، ونىڭ ىشىندە، مونوتالشىقتاردان جاسالعان تورلارعا تىيىم سالىنۋى.

بۇدان ارىدە مال شارۋاشىلىعى مەن اۋىلشارۋاشىلىق كووپەراسيالارى ماسەلەلەرى تالقىعا ءتۇستى. بۇگىندە ەل اۋماعىندا 517 اۋىلشارۋاشىلىق كووپەراسياسى بار بولسا، ولاردىڭ 15ء-ى اتىراۋ وبلىسىندا تىركەۋلى.
ا.ج. شىلدەدە بىلتىرعى جىلدىڭ وسى كەزەڭىمەن سالىستىرعاندا ماڭعىستاۋ جانە اتىراۋ وبلىستارىندا ءىرى قارا مال مەن ۇساق قارا مال باسىنىڭ، جىلقى، تۇيە، قۇس سانىنىڭ ءوسۋ تەندەنسياسى بايقالۋدا.
قازىرگى تاڭدا اشم 1 345 بەلسەندى قايتا وڭدەۋ كاسىپورىنىنان تۇراتىن قايتا وڭدەۋ كاسىپورىندارىنىڭ مالىمەتتەر بازاسىن قالىپتاستىردى.

سونىمەن قاتار، 435 كاسىپورىنعا ۇسىنىلعان قايتا وڭدەۋدىڭ 9 باسىم ءتۇرى انىقتالىپ ناقتىلاندى. اتاپ ايتقاندا، ءسۇت، ەت، تەرى، ءجۇن، مايلى جانە استىق داقىلدار، كوكونىستەر مەن جەمىستەر، قانت قىزىلشاسى مەن كارتوپ تۇرعىلارى نازارعا الىندى. وسىلايشا ءاربىر وبلىس پەن اۋدان كەسىمىندە قايتا وڭدەۋ كاسىپورىندارىن ورنالاستىرۋدىڭ كارتاسى دايىندالدى.

وتىرىس بارىسىندا ا.مىرزاحمەتوۆ سۇراق-جاۋاپ فورماتىندا قاتىسۋشىلاردىڭ ساۋالدارىنا جاۋاپ بەردى.

ۆيسە-پرەمەر ا.مىرزاحمەتوۆ «اقبيداي» استىق تەرمينالى مەن اقتاۋ تەڭىز تەرمينالىندا بولدى.