جاز باستالعالى ءۇندىستاندا سۋ تاسقىنىنان 182 ادام كوز جۇمعان. تابيعي اپاتتان ەلدىڭ باتىسىنداعى گۋدجارات شتاتى اسا قاتتى جاپا شەككەن. مارقۇمداردىڭ كوبى – وسى شتاتتىڭ تۇرعىنى. مۇندا 36 مىڭ ادام ەۆاكۋاسيالانىپ، ۋاقىتشا ورتالىقتاردى پانالاۋعا ءماجبۇر. نەگىزى ەلدىڭ ءبىراز اۋدانىن توپان سۋ باسۋىنا تولاسسىز جاۋعان جاڭبىر سەبەپ بولعان. وسى رەتتە ءۇندىستان پرەمەر-مينيسترى بۇل وڭىرلەرگە 77 ميلليون اقش دوللارى بولىنەتىنىن ايتتى، دەپ جازادى Qamshy.kz اقپارات اگەنتتىگى شەتەلدىك ب ا ق مالىمەتىنە سۇيەنىپ.

سونداي-اق قۇربانداردىڭ جاقىندارى مەن جاپا شەككەندەرگە وتەماقى تولەنەتىنىن دە مالىمدەدى. ايتا كەتكەن ءجون، بىلتىر ءۇندىستاندا تابيعي اپاتتار مەن اۋا رايىنىڭ قولايسىزدىعىنان 1 مىڭ 600 ادامنىڭ اجالى جەتكەن. مارقۇمداردىڭ كوبى اپتاپ ىستىقتان كوز جۇمعان. سونداي-اق توپان سۋ مەن نايزاعايدان باقيلىق بولعاندار از ەمەس.