اقش پرەزيدەنتى دونالد ترامپ سولتۇستىك كورەيانىڭ بالليستيكالىق زىمىران ۇشىرۋىنا قاتىستى جاپونيامەن جانە وڭتۇستىك كورەيامەن شۇعىل ديپلوماتيالىق كەڭەس وتكىزدى، دەپ حابارلايدى Qamshy.kz اقپارات اگەنتتىگى golos-ameriki-گە سىلتەمە جاساپ.

دۇيسەنبى كۇنى توكيو ۋاقىتىمەن تاڭەرتەڭ  ترامپ پرەمەر-مينيستر سيندزو ابەمەن تەلەفون ارقىلى سويلەستى. ابە جۋرناليستەرگە اقش پرەزيدەنتى دە ءوزى دە كحدر-گە قاتىستى شارا قولدانۋعا كەلىسكەنىن حابارلادى.

اقش وكىلدەرى ترامپتىڭ ەڭبەك دەمالىسىندا جۇرگەن وڭتۇستىك كورەيا پرەزيدەنتى مۋن چجە ينمەن دە بايلانىسۋعا تىرىسقانىن مالىمدەدى.

ابەنىڭ ايتۋىنشا، جاپونيا مەن اقش قورعانىس جانە حالىقتىڭ قاۋىپسىزدىك جۇيەسىنە جاۋاپ بەرەتىن ناقتى قادامداردى جاساماق.

ايتا كەتەيىك، بۇعان دەيىن پحەنيان جاڭا زىمىراننىڭ سىنالۋى ۆاشينگتون مەن ونىڭ جاقتاستارىنا ەسكەرتۋ دەگەندى ايتقان.

اقش-تىڭ بۇۇ-داعى وكىلى نيككي حەيلي ۆاشينگتوننىڭ قاۋىپسىزدىك كەڭەسىنىڭ كەزەكتەن تىس شاقىرىلىمىن ۇيىمداستىرۋىن تالاپ ەتىپ وتىرعانىن ايتتى.