Enterteinment Weekly باسىلىمىنىڭ مالىمەتىنشە، حاكەرلەر بىرنەشە ءبولىمنىڭ قۇپياسىن اشپاق.

بەلگىسىز حاكەرلەر امەريكالىق نۆو تەلەارناسىنىڭ كومپيۋتەرلىك جۇيەسىنەن «تاقتار ويىنى» سەريالىنىڭ الداعى بولىمدەرى جونىندە اقپاراتتى ۇرلاپ كەتكەن، دەپ جازادى Qamshy.kz اقپارات اگەنتتىگى.

جەرگىلىكتى باسىلىمنىڭ دەرەگىنە سۇيەنسەك، قاستىق ويلاۋشىلار سەريالدىڭ بىرنەشە ءبولىمىنىڭ سيۋجەتىن تاراتپاق ويدا، ءتىپتى ەكى ءبولىمىن تاراتىپ ۇلگەرگەن كورىنەدى. حاكەرلەر نۆو ارناسىنان 1،5 تەرابايت بولاتىن اقپاراتتى ۇرلاپ العانىن حابارلادى.

تەلەارنا وكىلدەرى كومپيۋتەرلەرىنىڭ كيبەرشابۋىلعا تاپ بولعانىن ناقتىلادى. سونداي-اق حاكەرلەر كوممەرسيالىق اقپاراتقا قول جەتكىزگەنى مالىمدەلدى، الايدا ءدال قانداي اقپارات ەكەنى بەلگىسىز.

«ءبىز بولعان وقيعاعا بايلانىستى دەرەۋ تەرگەۋ جۇمىستارىن باستاپ كەتتىك. بۇگىندە قۇقىق قورعاۋ ورگاندارىمەن، كيبەرقاۋىپسىزدىكپەن اينالىساتىن كومپانيالارمەن جۇمىس ىستەپ جاتىرمىز»، - دەلىنگەن نۆو ارناسىنىڭ حابارلاماسىندا.

«تاقتار ويىنى» سەريالى دجوردج ءمارتيننىڭ «پەسن لدا ي پلامەني» قيال-عاجايىپقا نەگىزدەلگەن رومانىنىڭ جەلىسى بويىنشا تۇسىرىلگەن.

6-ماۋسىمنىڭ ءار سەرياسىن ورتا ەسەپپەن 25 ملن. ادام قاراعان. بۇگىنگى تاڭدا 7-ماۋسىمى ءجۇرىپ جاتىر. كينوەپوپەيا اۆتورلارى 8-ماۋسىمنىڭ سوڭعى بولاتىنىن مالىمدەگەن.