جولاۋشى تاسىمالىمەن اينالىساتىنداردىڭ پىكىرىنشە، الماتىدا قوعامدىق كولىكتەرگە ەنگىزىلەتىن باعا ايىرماشىلىقتارى جۇرگىزۋشىلەردىڭ جۇمىسىنا باقىلاۋدى كۇشەيتەدى. بۇل تۋرالى «اۆتوترانسگاز» ءجشس-نىڭ ەكسپلۋاتاسيا بويىنشا ديرەكتورىنىڭ ورىنباسارى باقىتجان رىسپايەۆ مالىمدەدى، دەپ حابارلايدى Qamshy.kz اقپارات اگەنتتىگى.

الماتىدا قوعامدىق كولىكتەردى پايدالانۋشىلار ءۇشىن 1 تامىزدان باستاپ جاڭالىقتار ەنگىزىلەدى. «وڭاي» كارتاسىن قولدانباي، قولما قول اقشامەن ەسەپ ايىرسقىسى كەلەتىندەر ەندى اۆتوبۋستار مەن تروللەيبۋستاردا 150 تەڭگە تولەيتىن. بۇرىنعى 80 تەڭگەلىك تاريف «وڭاي» كارتاسى ارقىلى تولەم ەنگىزەتىندەر ءۇشىن سول قالپىندا ساقتالماق. «وڭاي» كارتاسىنداعى جەڭىلدىكتەر دە وزگەرتىلمەيدى. وزگەرىس مەترو بويىنشا دا ەنگىزىلمەيدى. جولاۋشى تاسىمالىمەن اينالىساتىندار قولما قول اقشا تولەۋ جۇيەسىنەن گورى «وڭايمەن» ەسەپ ايىرىسۋ جۇيەسى جولاۋشى تاسىمالىنىڭ ساپاسىن ارتتىرماق.

«جولاۋشىلار كارتا ارقىلى تولەسە جاقسى بولادى. سونىڭ ارقاسىندا ءبىز سول كۇنگى تابىستى بىردەن ءبىلىپ وتىرامىز. ەكىنشىدەن، رۋلگە يە بولۋى كەرەك جۇرگىزۋشىلەر ەسەپشىنىڭ رولىنە ەنۋىن قويادى»، - دەدى ديرەكتوردىڭ ورىنباسارى.

بۇل رەفورمادا اۆتوپارك جۇرگىزۋشىلەردى دە ىنتالاندىرۋ جاعىن ويلاستىرىپ وتىر.

«ەلەكتروندىق جۇيە ارقىلى وتكەن ءار ترانزاكسيا ءۇشىن ول بيلەت بەرۋ ارقىلى بولا ما، جوق، «وڭاي» ارقىلى بولا ما، جۇرگىزۋشىنىڭ جالاقىسىنا قوسىمشا اقشا قوسىلادى»، - دەدى سالا مامانى.

اۆتوپارك باسشىلارىنىڭ ايتۋىنشا، ءتارتىپ باستى ماسەلە بولىپ قالا بەرەدى.

«كۇن سايىن كەشتە كولوننا باسشىلارى جۇرگىزۋشىلەرمەن جينالىس وتكىزىپ تۇرادى، سوگىس جاريالاۋ، جۇمىستان شىعارۋ سەكىلدى قاتاڭ شارالاردى قولدانامىز، ونىڭ ىشىندە كىشكەنتاي دا بولسىن جول ەرەجەنسىن بۇزۋ فاكتىسى نازاردان تىس قالمايدى»، - دەيدى ب.رىسپايەۆ.

«قازىرگى ۋاقىتتا ءبىزدىڭ ريەۆيزورلار جاۋاپكەرشىلىگى از جۇرگىزۋشىلەردى انىقتاپ جاتىر. 1 تامىزدان باستاپ، قالا بويىنشا باقىلاۋ شارالارى كۇشەيتىلمەك. الدىن الا مالىمەت بويىنشا، قالادا 300 ادام قوعامدىق كولىكتەردەگى تولەم جۇيەسىنە باقىلاۋ جاسايتىن بولادى»، - دەدى ول.

باقىتجان رىسپايەۆتىڭ ويىنشا، باعالارداعى ايىرماشالىق جۇرگىزۋشىلەردى ىنتالاندىرىپ قانا قويماي، تازا، ءادىل جۇمىستىڭ اۋقىمىن ارتتىرا تۇسەدى.

ايتا كەتەيىك، «اۆتوترانسگاز» ج ش س ترانسپورت سالاسىندا 2016 جىلدان بەرى جۇمىس جاساپ كەلەدى. كومپانيا 3،7 ملرد تەڭگەگە 135 اۆتوبۋس العان.