قازاقستاندا سوڭعى 5 جىلدا 14 تەراكت بولىپ ءوتتى دەپ جازادى Zakon.kz-كە سىلتەمە بەرە وتىرىپ Qamshy.kz اقپارات اگەنتتىگى.
«ءبىلىم» مادەني-اعارتۋشىلىق ورتالىعىنىڭ ديرەكتورى، مينيسترلىكتىڭ ءدىن جانە ازاماتتىق قوعام ءىسى بويىنشا اقپاراتتىق-تۇسىندىرمە توبىنىڭ ەكسپەرت-پوليتولوگى رۋسلان يرجانوۆ قازاقستاندا بولىپ وتكەن تەراكتىلەر سالدارىنان 90 ادام قازا تاۋىپ، ونىڭ ىشىندە قۇقىق قورعاۋ ورگاندارىنىڭ بولعانىن دا اتاپ ءوتتى. 2016 جىلى ەكى ايدىڭ ىشىندە اقتوبە مەن الماتى قالالارىندا 37 ادام قازا تاپتى.
قازىرگى كەزدە تەراكتتەردىڭ جيىلەپ كەتۋىنىڭ بىردەن-بىر سەبەبى - ءدىني سيپاتتاعى اقپاراتتىڭ دۇرىس تارالماۋىنان. مامانداردىڭ ايتۋى بويىنشا، ادامدار ءدىني مالىمەتتەر مەن اقپاراتتاردىڭ 73% ۆەب-سايتتار ارقىلى الادى. وعان قازىرگى كەزدەگى كيبەرقاۋىپسىزدىك ماسەلەسىن دە جاتقىزۋعا بولادى.
رۋسلان يرجانوۆتىڭ ايتۋى بويىنشا قازاقستاندا راديكالدى يدەيالاردى تاراتۋدى الدىن-الۋ ەكى باعىت بويىنشا جۇزەگە اسادى: ءبىرىنشى- الەۋمەتتىك جەلىلەردەگى راديالدى باعىتتاعى كونتەنتتى قاداعالايتىن ۇيىمداستىرۋشىلىق-قۇقىقتىق تاسىلدەر، ەكىنشىسى- ينتەرنەت رەسۋرستارداعى الدىن-الۋ اقپاراتتىق-تۇسىندىرمە جۇمىستارى.
پىكىر قالدىرۋ