اۆستراليادا ۇشاقتا تەراكت ۇيىمداستىرماق بولعان سودىرلارعا جارىلىس قۇرالىنا قاجەتتى كومپونەنتتەردى دايش تەرروريستىك توبىنىڭ باسىشىسى جىبەرگەندىگى انىقتالدى دەپ حابارلايدى Qamshy.kz اقپارات اگەنتتىگى ريا نوۆوستي-گە سىلتەمە جاساپ.
اۆستراليا قۇقىق قورعاۋ ورگاندارى ۇشاقتا جوسپارلانعان تەراكتىنىڭ الدىن-الدى. ەكى كۇدىكتىنى: 49 جاستاعى حالەد ماحمۇد حايات پەن 32 جاستاعى ماحمۇد حاياتقا تەراكت جوسپارلاعاندارى ءۇشىن ايىپ تاعىلدى. ايىپتالۋشىلار 15 شىلدە سيدنەيدەن اراب ەلىنە باعىت العان ۇشاق بورتىنا بومبا قويماقشى بولعان.
«جارىلىس قۇرالى شەتەلدەن كەلگەن. ايىپتالۋشىلار بومبانى دايش باسشىسىنىڭ نۇسقاۋىمەن دايىنداعان»-دەيدى اۆتراليالىق پوليسيا باسشىسىنىڭ ورىنباسارى مايكل فەلان.
رەيتەر اگەنتتىگىنىڭ مالىمەتىنشە، جارىلىس قۇرالى تۇركيانىڭ اۋە پوچتاسى ارقىلى ەت تارتقىشقا جاسىرىن تۇردە سالىنىپ جىبەرىلگەن ەكەن. ايىپتالۋشىلارعا ومىرلىك باس بوستاندىعىنان ايىرىلۋ جازاسى تاعايىندالۋى مۇمكىن.
پىكىر قالدىرۋ