بۇگىن استانادا «قازاقستان حالىق بانكى» اق (بۇدان ءارى– «بانك») جانە «قازپوشتا» اق (بۇدان ءارى– «كومپانيا») اراسىنداعى ىنتىماقتاستىق تۋرالى مەموراندۋمعا قول قويۋ ءراسىمى ءوتتى دەپ حابارلايدى Qamshy.kz اقپارات اگەنتتىگى.
قول قويۋ راسىمىنە «قازپوشتا» اق باسقارما ءتوراعاسى ساكەن سارسەنوۆ جانە «قازاقستان حالىق بانكى» اق باسقارما ءتورايىمى ءۇمىت شاياحمەتوۆا قاتىستى. اتاۋلى قۇجات حالىق بانكى مەن Halyk Group قازپوشتا ءۇشىن قىزمەت كورسەتۋ بولىگىندە بانك جانە كومپانيانىڭ ءوزارا ىنتىماقتاستىقتى دامىتۋ بويىنشا جانە قازپوشتا اگەنتتىك، پوشتا، سونداي-اق وزگە دە قىزمەتتەردى حالىق بانكىنە جەكەلەگەن باعىتتار بويىنشا قىزمەت كورسەتۋ نيەتتىن سيپاتتايدى. اتاپ ايتقاندا، قازپوشتا جەكە تۇلعالارعا بانك ونىمدەرىن ساتۋ تۋرالى - دەپوزيتتەر، كرەديتتەر جانە وزگە دە ونىمدەردى حالىقتىڭ قاجەتتىلىكتەرىنە بايلانىستى حالىق بانكى بولىمشەلەرى جوق اۋىلدىق ەلدى مەكەندەردە اۆتوماتتاندىرىلعان كومپانيا بولىمشەلەرىندە ۇسىنىلادى. سونداي-اق حالىق بانكىندە اشىلعان شوتتارعا جەكە تۇلعالاردىڭ تولەمدەرىن قازپوشتا بولىمشەلەرىندە قابىلدانىپ جانە ءوز كەزەگىندە ونى اۋدارۋ مۇمكىندىكتەرى ەكى جاقتى قاراستىرىلۋدا. حالىق بانكى جانە قازپوشتا وكىلدەرى بانك كليەنتتەرىنە تولەم كارتوچكالاردى جەتكىزۋ، حات-حابارلاردى الۋشىعا دەيىن جەتكىزۋ بويىنشا پوشتالىق قىزمەت، سونىڭ ىشىندە، پوشتاماتتار ارقىلى التەرناتيۆتى جەتكىزۋ قىزمەتى بولىگىندە ىنتىماقتاستىقتى ورناتۋ جايلى تالقىلاۋدا. مەموراندۋم اياسىندا قازپوشتانىڭ ينكاسساسيا قىزمەتىن كورسەتۋ مۇمكىندىگى بويىنشا، سونىڭ ىشىندە، بانك بولىمشەلەرىنەن الشاق ورنالاسقان اۋدان ورتالىقتارىندا قايتا ەسەپتەۋ جانە قولما-قول اقشانى ساقتاۋ ماسەلەلەرى قارالادى.
قازاقستان حالىق بانكى باسقارما ءتورايىمى ءۇمىت شاياحمەتوۆانىڭ ايتۋىنشا، «ءبىز قازپوشتامەن جاعىمدى سەرىكتەستىكتى ورناتۋدى كوزدەپ وتىرمىز، بۇل شىعىنداردى قىسقارتۋ ۇدەرىسى بولىمىندە ەكى جاققا ءتيىمدى، مۇنداي ۇلكەن حالىق توبى جانە قازپوشتا ءتارىزدى كومپانياعا بۇل وتە وزەكتى بولىپ تابىلادى. ءبىز حالىق بانك رەتىندە بۇل ىنتىماقتاستىقتان الاتىنىمىز، كەيدە اۋىلدىق جەرلەردە بىزگە وكىلدىكتى اشۋ ءتيىمسىز، ءبىراق حالىققا ارينە ءسوزسىز قارجىلىق قىزمەتكە قولجەتىمدىلىك قاجەت، وسى تاراپتا قازپوشتامەن بىرلەسە وتىرىپ ءبىز بۇل ماسەلەنى شەشە الامىز. قازپوشتا قالاداعى ءبىزدىڭ اۋقىمدى فيليالدار جەلىسى مەن بۇقارالىق كليەنتتىك بولشەك بازامىزدان پايدا تابادى، ىنتىماقتاستىقتان سينەرگەتيكالىق اسەر بولۋى انىق».
"قازپوشتا اگەنتتىك قىزمەتتەردى بەلسەندى دامىتۋدا. ءبىز ەكىنشى دەڭگەيلى بانكتەردىڭ،ساقتاندىرۋ، تج/اۋەبيلەتى جانە ەحرو-عا بيلەتتەردى ساتۋ اگەنتى بولىپ تابىلامىز. ءقازىردىڭ وزىندە قازاقستاندىقتار ەلىمىزدەگى بارلىق اۆتوماتتاندىرىلعان قازپوشتا بولىمشەلەرىندە كرەديت جانە دەپوزيتتى راسىمدەي الادى. سونىڭ ىشىندە 62%-ى اۋىلدار مەن اۋدانداردا ورنالاسقان. ەندى شارتتى راسىمدەۋ ءۇشىن قالاعا شىعۋدىڭ قاجەتتىلىگى جوق، مىسالى قتقجب-عا. ءبىزدىڭ وپەراتورلار ءتيىستى وقىتۋلاردان ءوتىپ، دەپوزيتتەردى اشۋ جانە كرەديتتەۋ باعدارلاماسىن ىرىكتەۋ بويىنشا قىزمەت ۇسىنادى.
ءبىز بۇگىن ستراتەگيالىق سەرىكتەسىمىز - قازاقستان حالىق بانكىمەن كەلىسىمگە قول قويىپ جانە قىزمەتتەر قازپوشتا بولىمشەلەرىندە دە ۇسىنىلاتىن بولادى. وسىلايشا ءبىز ءاربىر قازاقستان تۇرعىنىنا ەركىن قارجىلىق قىزمەتتەرگە قولجەتىمدىلىكتى قامتاماسىز ەتەمىز. تولەمدەردى قابىلداۋدان باسقا بانك كليەنتتەرىنە كارتوچكالاردى جەتكىزۋ، پوشتامات ارقىلى التەرناتيۆتى جەتكىزۋ، ينكاسساسيالاۋ، اسىرەسە بانك بولىمشەلەرىنەن شالعايدا ورنالاسقان اۋدان ورتالىقتارىندا قايتا ەسەپتەۋ جانە قولما-قول اقشانى ساقتاۋدى جوسپارلاپ وتىرمىز»، - دەپ قازپوشتا اق باسقارما ءتوراعاسى ساكەن سارسەنوۆ اتاپ ءوتتى.
وسى جوبالاردى ىسكە اسىرۋ ەكى تاراپتىڭ بىرلەسە جۇمىس اتقارۋىن تالاپ ەتەدى، ونىڭ ىشىندە اقپاراتتىق جۇيەلەردى ينتەگراسيالاۋ. تيىسىنشە، جوبالاردى ەنگىزۋ تاراپتاردىڭ تەحنيكالىق دايىندىعىنا قاراي جۇزەگە اسىرىلادى جانە ءتيىستى كەلىسىم شارتتار جاساسۋىنا بايلانىستى بولادى.
ايتا كەتۋ كەرەك، قازاقستان حالىق بانكىنىڭ جانە قازكوممەرسبانكتىڭ بىرىككەن فيليالدىق جەلىسى فيليالداردى قوسا العاندا 748 ساتۋ ارنالارىن قۇرايدى. 2017 جىلعى 1 تامىزداعى كورسەتكىشتەر بويىنشا Halyk Bank كليەنتتەر سانى - 7.5 ملن كليەنت، ال Qazkom – 5.4 ملن قۇرايدى.
قازپوشتا فيليالدىق جەلىسى 3 400 بولىمشەنى ۇسىنادى، بۇل قازاقستان بويىنشا 23 مىڭ قىزمەتكەر. بۇل رەتتە، كازپوشتا كليەنتتەرىنىڭ 70%-ى اۋىلدى جەرلەردە تۇرادى.
پىكىر قالدىرۋ