استانادا 5 – 9 تامىزى ارالىعىندا قوستاناي وبلىسىنىڭ كۇندەرى وتەدى. وبلىستىڭ اۋىلشارۋاشىلىق ونىمدەرىنىڭ 100 تۇرىنەن 650 تونناعا جۋىق ازىق-تۇلىك جارمەڭكەگە قويىلادى. ءوڭىردىڭ تاۋارلارى مەن وندىرىسىنەن بولەك استانا جۇرتشىلىعى قوستانايدىڭ ونەر ۇجىمدارىنىڭ قويىلىمدارىن تاماشالاي الادى دەپ حابارلايدى Qamshy.kz اقپارات اگەنتتىگى. 

ورتالىق كوممۋنيكاسيالار قىزمەتىندە قوستاناي وبلىسىنىڭ كۇندەرىنە بايلانىستى وبلىستىق ىشكى ساياسات باسقارماسىنىڭ باسشىسى بيبىگۇل اققوجينا، وبلىستىق اۋىل شارۋاشىلىعى باسقارماسىنىڭ باسشىسى بايبوسىن مۋرزين، وبلىستىق مادەنيەت باسقارماسىنىڭ باسشىسى ەرلان قالماقوۆ شارانىڭ باعدارلاماسىمەن تانىستىردى.

باسپا ءسوز كونفەرەنسيادا وبلىستىق اۋىل شارۋاشىلىعى باسقارماسىنىڭ باسشىسى بايبوسىن مۋرزين، قوستاناي وبلىسى ءونىمىن ارتتىرۋدا رەسپۋبليكا بويىنشا العاشقى قاتاردا تۇرعان ايماق ەكەنىن اتاپ ءوتتى.  بيداي ءوسىمى 49%-عا، ۇن ءوندىرىسى 57%-عا، ءسۇت جانە ءسۇت تاعامدارى 57%-عا، ەت جانە ەت ونىمدەرى وتكەن جىلدارمەن سالىستىرعاندا 3،7 ەسەگە وسكەن.

سونىمەن قاتار 5 جانە 6 تامىز كۇندەرى «قازاقستان» سپورت كەشەنىندە قوستاناي وبلىسىنىڭ 14 اۋدانى مەن قالالارى اۋىل شارۋاشىلىعى تاۋارىن وندىرۋشىلەرىنىڭ قاتىسۋىمەن جارمەڭكە وتكىزەدى. وندا شۇجىق، ءسۇت، كونديتەرلىك، ۇن جانە ماكارون ونىمدەرى تۇرلەرىنىڭ 100 استام اتاۋى جانە باسقا دا ونىمدەر تاۋار وندىرۋشىلەردىڭ باعاسىمەن 650 توننا كولەمىندە ۇسىنىلادى. استانا تۇرعىندارى مەن قوناقتارى ءۇشىن ازىق-تۇلىك باعاسى، نارىقتىق باعادان تومەن بولماق.

استانا قالاسىنىڭ ورتالىق الاڭىندا 9 تامىز كۇنى قوستاناي وبلىسى كۇندەرىنىڭ سالتاناتتى جابىلۋ ءراسىمى وتەدى. مادەني كۇندەردىڭ شىمىلدىعىن Big-bandتىڭ «ۆ كرۋگۋ درۋزەي ي سوۆرەمەننىح ريتموۆ» اتتى دجازدىق شولۋى جابادى.