ەلىمىزدىڭ قاسيەتتى قالالارىنىڭ ءبىرى تۇركىستان قالاسىندا جەزوكشەلەر ورداسى قۇرىقتالدى، دەپ  Qamshy.kz اقپارات اگەنتتىگى حابارلايدى. بۇل جايىندا قالالىق پروكۋرور رۋسلان ءابدىرايىموۆ ءمالىم ەتتى.

«قاسيەتتى ورازا ايىندا اۋىزاشاردا قالامىزعا بەلگىلى ج.ازىرەتبەرگەنوۆ اقساقال ءوز سوزىندە: "جەزوكشەلىكتى تىيساڭدار بولار ەدى!" دەپ پىكىر ايتقانى بار. جالپى كيەلى تۇركىستان – رۋحاني استانامىز ەكەنى بارشاعا بەلگىلى، جەكەلەگەن سالادا رۋحاني بايلىعىمىزعا ءتان كەلمەيتىن جاعدايلار قوعامدا ورىن الىپ جاتادى. سونىڭ ءبىرى – جەزوكشەلىكپەن اينالىسۋعا ارنالعان پريتوندار. 05.08.2017 ج. تۇركىستان قىىب-مەن وسىنداي پريتون انىقتالىپ، قك-نىڭ 309 بابى 1 بولىگىمەن سوتقا دەيىنگى تەرگەپ-تەكسەرۋ باستالدى (بۇل باپپەن كىنالىنىڭ مۇلكىن تاركىلەپ، 5 جىلعا دەيىن باس بوستاندىعىنان ايىرۋ جازاسى كوزدەلگەن). بۇل سوڭعى ايدا انىقتالىپ وتىرعان 2ء-شى فاكتى، بۇل باعىتتا جۇمىستار جالعاسۋدا»، – دەيدى پروكۋرور رۋسلان ءابدىرايىموۆ.

بەلگىلى بولعانداي، ءىىب قىزمەتكەرلەرى 5 تامىز كۇنى تۇركىستان قالاسىنداعى جەزوكشەلەر پريتونىن قۇرىقتاعان. سول كۇنى بۇل پريتون جابىلىپ، پوليسيا قىزمەتكەرلەرى سوتقا دەيىنگى تەرگەۋ جۇمىستارىن دەرەۋ باستاپ كەتكەن.