يراك اسكەرلەرى ءوز جەرىن دايش تەرروريستىك ۇيىمىنىڭ جاۋىنگەرلەرىنەن 2 ايدا تازارتا الادى. بۇل تۋرالى يزۆەستيا باسىلىمىنا رەسەيدەگى يراك ەلشىسى حايدار حادي ايتتى، دەپ حابارلايدى Qamshy.kz اقپارات اگەنتتىگى.

«يراكتاعى تەرروريستەردىڭ سانى تىم از. ولاردىڭ قاشىپ قۇتىلاتىن جەرى دە قالمادى. سول سەبەپتى سوڭىنا دەيىن كۇرەسۋدەن باسقا امالدارى جوق»، – دەدى ەلشى. – تەرروريستەر قونىستانعان ايماقتاردا قوزعالىس بارىسى ۇدەي ءتۇستى. بۇل – دايش-تىقتاردىڭ رۋحىن تۇسىرەدى. جەڭىسكە جەتۋگە كەم دەگەندە 2 اي قالدى دەپ ايتا الامىن».

ديپلوماتتىڭ ايتۋىنشا، يراكتى قالپىنا كەلتىرۋ جۇمىستارىنا كەيبىر مەملەكەتتەر قولداۋ كورسەتۋ ۇستىندە. «كەيبىر مەملەكەتتەر يراكتى قايتا قالپىنا كەلتىرۋ مىندەتتەرىنە كىرىستى. رەسەيلىك كومپانيالار دا بۇل پروسەسكە ءوز ۇلەستەرىن قوسىپ جاتقانىن ايتا كەتۋ كەرەك»، – دەدى. سونداي-اق، تەرروريستەردەن ازات بولعان موسۋلدى قايتا قالپىنا كەلتىرۋ جۇمىستارىنا $1 ملرد. كەتەتىنىن مالىمدەدى.