اقتوبە وبلىسىندا 22 جاڭا مەكتەپتىڭ قۇرىلىسى ءجۇرىپ جاتىر دەپ حابارلايدى Qamshy.kz اقپارات اگەنتتىگى 24.kz-كە سىلتەمە بەرىپ.

9 مەكتەپ ءبىلىم كۇنى پايدالانۋعا بەرىلسە، تاعى 4 مەكتەپتىڭ قۇرىلىسى جىل سوڭىنا دەيىن اياقتالادى. ناتيجەسىندە 3 اۋىسىمدا ءبىلىم بەرەتىن №16 مەكتەپتىڭ تەڭ جارتىسى جويىلادى. بيىل №39 ءبىلىم بەرۋ مەكەمەسىنە اعىمداعى جىلى كۇردەلى جوندەۋ جۇمىستارى جاسالدى.

بۇل ماقساتقا وبلىستىق بيۋدجەتتەن 913 ملن. تەڭگە بولىنگەن. مىسالى، قالاعا قاراستى ياسنوە اۋىلىنداعى №41 ورتا مەكتەپتىڭ جىلۋ جۇيەسى تولىقتاي جاڭعىرتىلدى. ال مەكتەپكە لايىقتالعان بالاباقشادا 600 بالا تاربيە الىپ جاتىر. اۋىلدىق وكرۋگتە ءقازىر جاڭا مەكتەپتىڭ قۇرىلىسى ءجۇرىپ جاتىر. نىسان كەلەسى وقۋ جىلىندا پايدالانۋعا بەرىلەدى. سول كەزدە بۇرىنعى عيمارات قايتادان بالاباقشاعا بەرىلەدى.