ەكونوميكا سالاسىنداعى نوبەل سىيلىعىنىڭ لاۋرەاتتارى قارجى الەمىنىڭ جاڭا داعدارىسقا دايىن ەمەس ەكەنىن ايتىپ، سونداي-اق ەۋرونىڭ بولاشاعىنا الاڭداۋشىلىق تانىتىپ وتىر، دەپ جازادى Qamshy.kz اقپارات اگەنتتىگى.
ولاردىڭ پىكىرىنشە، جاعدايدىڭ قالاي ءوربيتىنى ساياساتكەرلەرىڭ جاڭا وزگەرىستەرگە دەگەن اسەرىنىڭ قانداي بولاتىنىنا بايلانىستى.
«ەگەر ۆاشينگتونداعى امەريكالىق اكىمشىلىك باقىلاۋدى جىبەرىپ السا، داعدارىستىڭ ورنايتىنى دا انىق»، – دەدى 2007 جىلعى لاۋرەات ەريك ماسكين.
لاۋرەاتتاردىڭ ايتۋىنشا، جاھاندىق ساندىق جەلىلەردەگى قارجى داعدارىسىنا دايىندىققا تالپىنۋ – يلليۋزيا عانا.
«بۇل ماسەلەلەردى باقىلاپ، سونداي-اق باسقارىپ وتىراتىنداي بىزدە قۇرال-جابدىقتار جوق. سول سەبەپتى قارجى داعدارىسىنىڭ بولاتىنى كۇمانسىز»، – دەدى 2000 جىلعى نوبەل سىيلىعىنىڭ لاۋرەاتى دەنيەل ماكفاددەن.
ەكونوميستەر ەۋروعا قاتىستى جاعدايدىڭ دا ءماز ەمەس ەكەنىن جەتكىزدى.
«ەو قازىنالىق ساياساتتى ەنگىزىپ، ءالسىز مەملەكەتتەردىڭ ەكونوميكالىق توقىراۋىمەن كۇرەسە العان جاعدايدا عانا ەۋرو ءبىر قالىپتى ساقتايتىن بولادى»، – دەدى ماكفاددەن.
سونداي-اق رەسەي ەكونوميكاسىنىڭ كەلەشەكتە جاھاندىق دامۋدىڭ سوڭىنا ىلەسە الماي قالۋى مۇمكىن ەكەنىن ءمالىم ەتتى.
