لوندونداعى بيگ-بەندى قايتا قۇرۋ ءۇشىن توقتاتىلدى. ول جوبامەن 2021 جىلعا دەيىن سوزىلادى. بۇل تۋرالى Qamshy.kz اقپاراتتىق اگەنتتىگى BBC ۋكراينا سايتىنا سىلتەمە جاساپ حابارلايدى.
ساعاتتىڭ سوڭعى قوڭىراۋى كەشە تۇستە ەستىلدى. ەندى ساعاتتىڭ ءوزىن دە، مۇنارانى دا قايتا جوندەۋدەن وتكىزەدى. ساعاتتى بولشەكتەپ – ءتورت سيفەربلاتىن تازالاپ، جوندەۋ جۇمىستارىن جۇرگىزەدى.
قايتا جوندەۋ جۇمىستارىن جۇرگىزەتىن جۇمىسشىلاردىڭ قاۋىپسىزدىگى ءۇشىن بيگ-بەننىڭ مەحانيزمىن توقتاتۋعا ءماجبۇر بولعان. الايدا ەرەكشە جاعدايلاردا، مىسالى، جاڭا جىلدىق كەشتە ساعاتتىڭ قوڭىراۋى قايتا قوسىلاتىن بولادى.
بيگ-بەننىڭ جوندەۋ جۇمىستارى 37 ملن. دوللارعا باعالاندى.
ەسكە سالا كەتەيىك، بيگ-بەن – لوندونداعى ۆەستمينستەر سارايىنداعى التى قوڭىراۋدىڭ ەڭ ۇلكەنى. ساعات مۇناراسى لوندوننىڭ ايگىلى سيمۆولى بولىپ سانالادى. سوڭعى رەت بيگ-بەن 2007 جىلى توقتاتىلعان بولاتىن، وعان دەيىن 1983-1985 جىلدارى جوندەۋ جۇمىستارى جۇرگىزىلگەن.
