توقتى (21 ناۋرىز – 19 ءساۋىر)
بۇل بەلگىدە تۋىلعان ادامدار سىرت كوزگە دوستىققا وتە بەيىم، باۋىرمال كورىنەدى. كەز كەلگەن ادىلەتسىزدىكتە بار ىنتى-شىنتىسىمەن شىندىقتى ىزدەپ، بار بىلگەنىمەن ءبولىسىپ، قىزۋ تالقىلاۋدىڭ كوركىن كەلتىرۋى مۇمكىن. توقتىلار ءوز ويىن ۇنەمى تىكە ايتادى. ءوز قاجەتتىلىگىن ءبىرىنشى ورىنعا قويادى جانە ويىنىڭ ءبارى سول كوزدەگەنى بولادى، ول كەزدە اينالاسىنداعىلاردى مۇلدە ويلامايدى. ءوزىنىڭ بىرەۋگە ىڭعايسىز جاعداي تۋعىزىپ، رەنجىتىپ الاتىنى جايلى ويلامايدى، ونى سەزىنبەيدى دە. ول بوتەن ويسىز، تابيعاتىنا ءتان بول-عاندىقتان، توقتىلارعا رەنجۋدىڭ دە قاجەتى جوق. بۇل ادامداردا قاتالدىق دەگەن مۇلدە بولمايدى. اينالاسىندا بولىپ جاتقان قۇبىلىستىڭ بارىنە شىن جۇرەگىمەن سەنەدى، ءوز جاعدايىن دا جاسىرىپ قالمايدى. شاعىمدانعاندى جانى سۇيەدى. ءوز ىسىندە ەشقاشان جوسپار قۇرىپ، ستراتەگيا جاساماي، ماقساتىنا تىكە بەت الادى. بۇل بەلگىدە تۋىلعان ادامدار كوز جاسىن ەشكىمگە كورسەتپەۋگە تىرىسادى. قىزمەتتىك سالاسىندا كوپ تابىستارعا قول جەتكىزەدى. توقتىلاردان شىدام مەن ادەپتىلىكتى از كورەسىز، ءتىپتى مۇلدە شىدامسىز دەسە دە بولادى. سالماقتى بولۋعا تىرىسقانمەن، جاس كەزىندە ول مۇمكىن بولمايدى. اشىقتىق پەن ادالدىعى سياقتى جاقسى قاسيەتتەرىن العا تارتقانمەن، تۇراقتىلىق جانە جاۋاپكەرشىلىك قاسيەتتەرىنىڭ كەمشىلىگى كوزگە ۇرىپ تۇرادى. ءتىس اۋرۋىنان قاتتى قورقادى، ءتىس دارىگەرىنە باس سۇقپاي وتۋگە دايىن. توقتىلاردىڭ باسىم بولىگى تولىق بوپ كەلەدى. ايتارلىقتاي اۋرۋ بولماسا، وزدەرىن جاعىمسىز سەزىنىپ تۇرعاننىڭ وزىندە جاتىپ، دەمالا قويمايدى.
تورپاق (20 ءساۋىر – 20 مامىر)
ءبىر توپ ادامنىڭ اراسىنان كوپ سويلەمەيتىن ادام كورسەڭىز، ول – تورپاق. ونىمەن جاقىن ارالاسپايىنشا، سوزگە شورقاق ادام دەپ ويلاۋىڭىز مۇمكىن. وتە سالماقتى، كوپ نارسەگە بىلق ەتە قويمايدى. سيرەك اشۋلانادى، وزىنە ەشكىمنىڭ ءجونسىز جاناسقانىن قالامايدى. قازبالاي بەرسەڭىز، تىم قاتتى اشۋلانۋى مۇمكىن. اشۋلانعاندا، جولىنا كەزىككەندى قيراتۋى مۇمكىن. ءبىر جاقسىسى، بۇل – وتە سيرەك بولاتىن جايت. وتە تارتىمدى بولادى. سۇيگەنىن قىزعانىپ، ارتىنان اڭدۋ دەگەندى بىلمەيدى. تورپاق قوناققا بارعاننان گورى، داستارحانعا بارىن قويىپ، قوناق كۇتكەندى قالايدى. تانىمالدىلىققا ۇمتىلمايدى. ماحابباتتا دا، دوستىقتا دا اراقاتىناستى ۇزبەي، ءار قادامدى قالاي جاساۋ كەرەكتىگىن جەتىك بىلەدى. وتە تۇراقتى. قۇبىلىستى سول قالپى قابىلداۋعا دايىن. ءۇي شارۋاشىلىعىنا وتە بەيىم، ءوز ءۇيىن، تانىس ورتاسىن قاتتى جاقسى كورەدى. ۇنەمى ءوزىنىڭ جەكە ءۇيى بولعانىن ارماندايدى. تابيعاتقا وتە جاقىن، جاسىل جەلەك، گۇل اتاۋلىنى وتە جاقسى كورەدى. قالا سىرتىنا تازا اۋا جۇتۋ ءۇشىن عانا بارۋعا ەرىنبەيدى. دەنساۋلىعى مىقتى، اۋىرا قال-عان جاعدايدا سىرقاتىنان باياۋ ايىعادى. ءوپتيميزمنىڭ ازدىعىنان دا زارداپ شەگەدى. وزدەرىن قاتال جانە وتە شىدامدى دەپ ويلايدى. شىندىعىندا دا وتە قاتال جانە تىك. ولار جىلدار بويى فيزيكالىق تا، پسيحولوگيالىق تا اۋىر جۇكتەردى الىپ جۇرە الادى، ەشكىمگە شىعىمدانبايدى دا، ەشكىمدى كىنالامايدى دا. تورپاقتاردا ساتسىزدىكتەر ورىن العان سايىن ودان ءوتۋ ءۇشىن كۇش جيناي تۇسەدى. ارماندارىنا از قادامنان بولسا دا، جول سالادى. بولاشاعىن نىق قالايدى.
ەگىزدەر (21 مامىر – 20 ماۋسىم)
ءسىز ءۇشىن بۇل جىلدىڭ قىزىعى مەن شىجىعى مول بولادى. ومىرىڭىزدە بۇرىن-سوڭدى بولماعان وقيعالار بولىپ، جاقىندارىڭىز تانىمايتىنداي وزگەرەسىز. جەكە ومىرىڭىزدە، مانساپ جولىندا، اقشا ماسەلەسىندە، يميدجىڭىزدە بارلىعى جوسپارلاعانىڭىزداي بولادى. بۇل قىستا جىلى جۇرەسىز. قاڭتار ايىندا سۇيىكتىلەرىڭىزبەن قارىم-قاتىناستارىڭىزعا بايلانىستى ۇلكەن شەشىم قابىلدايسىز. قىزمەتتە بارىنشا ءتارتىپتى بولعانىڭىز ءجون. وكىنىشكە وراي، جەلتوقسان ايىندا سۇيىكتىڭىز بەن دوستارىڭىزبەن جولىعۋعا ۋاقىتىڭىز بولماۋى مۇمكىن. ءوزىڭىزدى ناۋرىز ايىندا پاتشاداي (پاتشايىمداي) سەزىنەسىز. قولىڭىزدان بارلىعى دا كەلىپ، سىزگە تاڭداي قاعىپ قارايتىن بولادى. ءساۋىر ايىندا جەكە زاتتارىڭىزعا مۇقيات بولىڭىز. ماۋسىم ايىندا قىزىعۋشىلىعىڭىزدى ەسكە الىڭىز. شىلدە ايى ناعىز جۇمىس پەن اقشا تابۋدىڭ مەزگىلى. ال تامىز ايى وتباسىڭىزعا، جاقىن دوستارىڭىزعا كوڭىل بولەتىن ۋاقىت. الەۋمەتتىك ورتادا جاقسى ادامداردىڭ نازارىنا يە بولاسىز. ال قازان ايىندا ارىپتەستەرىڭىز نە قۇربىلارىڭىزبەن قارىم-قاتىناستىڭ شىنايى بەينەسىن كورەسىز. شىلدە ايىنا دەيىن سۇيىكتىڭىزدى ىزدەۋمەن بولاسىز. سەزىمگە ەرىك بەرمەس بۇرىن، مىنەزدەرىڭىزدىڭ سايكەستىگىن ەسكەرىڭىز. ناۋرىز ايىندا ارالاساتىن دوستارىڭىزدىڭ قاتارى كوبەيىپ، ەكىنشى جارتىڭىزدى جولىقتىرۋىڭىز مۇمكىن. ءساۋىر ايىنان باستاپ كەلەسى جارتى جىلدىقتا ەرەكشە شابىتقا يە بولاسىز. سول شابىتتىڭ ارقاسىندا ماحابباتىڭىز رومانتيكاعا تولىپ، شىعارماشىلىعىڭىزدى شىڭداي تۇسەسىز. مامىر ايىندا سىيلىقتاردىڭ استىندا قالاسىز. تامىز ايى مەن قازان ايىنىڭ ورتاسىندا جاڭا ءبىر سەزىمدەرگە يە بولاسىز. ال قاراشا ايى وتباسىن قۇرۋعا ناعىز قولايلى ۋاقىت. ماماندار وسى ايدا وتباسىن قۇرعان عاشىقتاردىڭ ماحابباتى ماڭگىلىك بولاتىندىعىن ايتادى. وتباسىلىق ومىردە وزگەرىستەر بولىپ، جارىڭىزبەن ۋاقىتشا جاراسپاي قالۋلارىڭىز مۇمكىن. الايدا ارتىنشا بارلىعى ورنىنا كەلەدى.
شايان (21 ماۋسىم – 22 شىلدە)
ارىپتەستىك، سىبايلاستىق قارىم-قاتىناستا كوپ نارسەنى تۇزەتۋگە مۇمكىندىك تۋادى. قۇلشىنىسىڭىزدى ولشەپ كورىپ، ماحابباتقا يەلىك ەتۋگە مۇمكىندىك بەرىڭىز. ومىرلىك ەڭ ماڭىزدى دەلىنگەن تاپسىرمالاردى شەشۋگە كوڭىل ءبولىڭىز. وزىڭىزگە شىن مانىندە نە كەرەك ەكەنىن انىقتاپ الىڭىز. ارىپتەستىك، جولداستىق قارىم-قاتىناستا سال-قىنقاندىلىق تانىتىڭىز. ءوز ويلاعانىڭىزدى جۇزەگە اسىرۋ كوپ قيىندىق تۋدىرمايدى. باتىل قادامدار مەن وپتيميستىك كوزقاراس قارجىلىق ءال-اۋقاتىڭىزدى جاقسارتىپ، جۇمىس ورنىڭىزداعى باعىت-باعدارىڭىزدى بەكىتە تۇسپەك. تولاسسىز جەتىستىكتەن باسىڭىز اينالۋى مۇمكىن، سوندىقتان سانالىلىقتى ساقتاڭىز. جۇمىس ورنىنداعى اۋىزبىرشىلىكتى وتباسىلىق قارىم-قاتىناستا دا ۇستانىڭىز. ءوزىڭىزدى وزگەتۋگە تىرىسپاڭىز. عاشىقتىق قارىم-قاتىناس، سەزىم دەرتىنە ءجيى شالدىعۋىڭىز مۇمكىن. العاشقى كەزدەن باستاپ سەزىمىڭىزدى دۇرىس باعامداپ، دۇرىس جولعا قويىپ ۇيرەنىڭىز. جانە بۇل تۇستا ءوز قولىڭىزعا كوپ جاۋاپكەرشىلىكتى الۋعا تۋرا كەلەتىن ساتتەر تۋىنداۋى مۇمكىن. قاڭتار-اقپان-قىركۇيەك-تامىز ايلارىندا ماحاببات توڭىرەگىندە ۇلكەن وزگەرىستەر ورىن الىپ جاتسا، قارسى بولماڭىز. العاشقى جارتى جىلدا ورىن العان وزگەرىستەر ومىرىڭىزگە وڭ اسەرىن تيگىزەدى. ساقتىقتى جوعالتىپ الماڭىز. اقپان ايلارىنىڭ ورتا تۇسىندا وتباسىلىق جانە ۇيىشىلىك سۇراقتارعا ۋاقىت ءبولىڭىز. بۇل تۇستا دا جۇمىس ورنىڭىزدا جاقسى قارىم-قاتىناستى نىعايتا ءتۇسۋىڭىز ءتيىس. ءۇي ىشىندەگى ۇلكەن وزگەرىس ورناتۋ جولىنداعى تالپىنىستار ناتيجەلىلىككە الىپ كەلمەۋى مۇمكىن. ماۋسىم ايىنا دەيىن ۇلكەن بۋىننىڭ كوڭىلىنەن شىعىپ جاتۋ مۇمكىن بولمايدى، سوندىقتان ءوزىڭىز نەنى دۇرىس دەپ ويلاساڭىز، سولاي شەشىم قابىلداڭىز. بالالار كوپ ماقتاۋ مەن كوپ ۋاقىت ءبولىنۋىن قالايدى. جانە ءوز كەزەگىندە بالالار ءۇشىن ۇلكەن شىعىنعا ءتۇسۋىڭىز مۇمكىن.
ارىستان (23 شىلدە – 22 تامىز)
ارايلاپ اتقان ءاربىر تاڭعا قۋانۋ، وزگەلەردى تاڭداندىرۋ جانە وز-وزىڭىزگە عاشىق بولۋ - وسى جىلدى كوڭىلدى وتكىزۋىڭىزگە كوپ كومەگىن تيگىزەدى. وتباسىڭىزعا دەگەن ەرەكشە كوزقاراسىڭىز وشاعىڭىزداعى تۇسىنىستىكتى ۇيلەستىرۋگە دەگەن قۇلشىنىسىڭىزدى ارتتىرادى. شىعارماشىلىق قادامدارىڭىز سىزگە ۇيىڭىزگە تالعاممەن ورنالاسۋعا مۇمكىندىك بەرەدى. ساۋىقتىرۋ ورىندارىنا جانە تەڭىزگە بارۋعا ۋاقىت تابۋعا تىرىسىڭىز. جاقىندارىڭىز ءسىز وقۋمەن، قاعازباستىلىقپەن ءىس ساپارلارمەن باسىڭىز قاتىپ جۇرگەن قيىن كەزەڭدە قولداۋعا تىرىسادى. بەلسەندىلىك پەن وپتيميزم كۇمانداردان ارىلۋعا كومەكتەسەتىن ەڭ ۇزدىك ءدارى بولماق. ءوزىڭىزدىڭ ىشكى الەمىڭىزبەن ۇزدىكسىز قۇشتارلىقپەن جۇمىس جاساي وتىرىپ، ءسىز ءوزىڭىزدى جارقىن، جاڭا قالىپتا كورسەتە الاسىز. بۇل جىل جىلجىمايتىن مۇلىك، جوندەۋ جۇمىستارىمەن بايلا-نىستى ماسەلەلەردى شەشۋگە تاپتىرماس جىل بولىپ تابىلادى. قاڭتاردان مامىرعا دەيىنگى ارالىقتا نەمەسە تامىز ايىندا تۇرعىن ءۇي ماسەلەلەرى جاقسارادى. كوپتەن كۇتكەن قونىس اۋدارۋ بولادى. كەلىن ءتۇسىرىپ، شاڭىراعىڭىز كەڭەيە تۇسەدى. ەكىنشى جارتىجىلدىقتا مىندەتتى تۇردە اتا-اناڭىزدىڭ ماسەلەلەرىمەن شۇعىلدانىڭىز. بالالارىڭىز ءوزىنىڭ شىعارماشىلىعىمەن، وزىندىك ىس-ارەكەتتەرىمەن قۋانتادى. جۇبايىڭىز مانساپ جولىندا جوعارىلاۋى مۇمكىن. بەلسەندى قارىم-قاتىناس، دوستىق شەڭبەرىڭىزدىڭ كەڭەيۋى – ءسىزدىڭ جەكە تۇلعا رەتىندە ءوسۋىڭىز ءۇشىن وتە قاجەت. ورتاق قىزىعۋشىلىقتاردىڭ ارقاسىندا الىس تۋىسقاندارىڭىزبەن قارىم-قاتىناستارىڭىز جالعاسىن تابادى. قاڭتار مەن شىلدە ايلارىندا ءسىزدىڭ اينالاڭىزدا كوپتەگەن وزگەرىستەر ورىن الادى. ءبىلىم، عىلىم، سپورت، ترانسپورت، وي ەڭبەگى، ب ا ق، قارجىلىق، حالىقارالىق قاتىناستار سەكىلدى سالا ماماندارىنا ءبىرىنشى جارتى جىلدىقتا ءبىرقاتار قيىندىقتى باسىپ وتۋگە تۋرا كەلەدى.
بيكەش (23 تامىز – 22 قىركۇيەك)
بۇل جىلدا قاۋىپسىزدىككە، قولايلىلىققا جانە راحاتتانۋعا دەگەن قاجەتسىنۋدى ايقىن سەزىنەسىز. اقشاعا دەگەن كوزقاراسىڭىز وزگەرۋى مۇمكىن. اينالاڭىزداعى ادامدارمەن قارىم-قاتىناستى دۇرىس ۇستاعانىڭىز ءجون. جاڭا جىلدىق ويىن-ساۋىق ءسىزدىڭ ءىس-قاتىناستارىڭىز بەن قارجىلىق قورىڭىزعا كەرى اسەرىن تيگىزۋى مۇمكىن. سەزىم، رومانتيكا، شىعارماشىلىق، ىستەگى جەتىستىكتەر – مۇنىڭ بارلىعى ءسىزدى كوكتەمدە كۇتەدى. كەيبىرەۋلەر كەيبىر قاتىناستى ۇزگەننەن كەيىن ءوزىن ەركىن سەزىنبەك. بەلسەندى جاز، ارىپتەستىكتەگى مول وقيعالار جانە مانساپتاعى ءوسۋ كۇندەلىكتى ءبىرسىدىرعى ومىرىڭىزگە وزگەرىس ەنگىزەدى. تامىز ايىندا بارلىعىنان باسىڭىزدى الىپ قاشىپ، وڭاشادا بولعانىڭىزدى قالايسىز. قوڭىر كۇز - بەلسەندىلەر مەن باتىلدار ءۇشىن جانە پارمەندى ىزدەنىستەگى جاندار ءۇشىن تابىستى بولادى. قازان ايىندا ءوزىڭىزدى كورسەتۋدە جانە بيزنەسكە كىرىسەر الدىندا يكەمدىلىك قاجەت. قاراشادا قوسىمشا ءبىلىم الۋ حاقىندا ويلانعانىڭىز دۇرىس.
تارازى (23 قىركۇيەك – 22 قازان)
تارازىلار بۇل جىلى ومىرلىك سەرىكتەرى مەن بارلىق ىستە تىرەك بولار سۇيەنىش ىزدەيدى. ءوزىڭىزدى كورسەتىپ ۇيرەنگەنىڭىز ءجون. اسىرەسە، ءسوزىڭىز بەن ءىسىڭىزدى قاداعالاۋ ماڭىزدى. باستىعىڭىز ءسىزدى كەرەك ءارى مىقتى مامان دەپ باعالايتىن بولادى. جىلدىڭ باسىندا بارىنشا وزگەرۋگە تىرىساسىز. كوپ ۋاقىتىڭىزدى وتباسىڭىزعا ءبولىپ، جايما-شۋاق كۇندەردى جاقىندارىڭىزبەن بىرگە وتكىزەسىز. ماحاببات پەن سىيلاستىق اتاۋلىسى باستى تىرەگىڭىزگە اينالادى. كوپ ۋاقىتىڭىزدى جۇمىسقا ارناساڭىز دا، جاقىندارىڭىز ءۇشىن ءاردايىم ۋاقىت تاۋىپ وتىراسىز. ماۋسىم ايىندا باستىعىڭىزبەن رەنجىسىپ قالماڭىز. رەنجىسكەن جاعدايدا دا بارلىعىن اقىلمەن شەشۋگە تىرىسىڭىز. ال شىلدە مەن تامىز ايلارى ءسىز ءۇشىن ۇلكەن مۇمكىندىكتەردىڭ ەسىگىن اشادى. قىركۇيەك ايىندا كولگە بارىپ دەمالۋىڭىز مۇمكىن. قازان ايىندا جالاقىڭىز وسەدى. كوكتەم ايلارىندا سۇيىكتىڭىزدى جولىقتىرىپ، ەرەكشە سەزىمگە بولەنەسىز. وكىنىشكە وراي، العاشقى قادام وزىڭىزگە تيەسىلى. جىگىتتەردىڭ باتىل قىزداردى جاقسى كورمەيتىندىگىن ەستە ساقتاڭىز. ناۋرىز ايى رومانتيكاعا تولى بولادى. قىس ايلارىندا بولعان كيكىلجىڭگە قاراماستان، تاتۋلاسىپ، ومىرلەرىڭىزدى جاڭا پاراقتان باستايسىزدار. ول ءۇشىن ارەكەت جاساماعان جاعدايدا ماڭگىلىككە ايىرىلىسىپ كەتۋلەرىڭىز مۇمكىن. سۇيىكتىڭىزدىڭ قانداي بولۋ كەرەكتىگىن جۇرەگىڭىز عانا ايتىپ بەرە الادى. ال مامىر ايىندا ءدال سول ادامدى كەزدەستىرۋ مۇمكىندىگى تۋادى. جاز ايىندا قىزىعۋشىلىعى وزىڭىزدەن مۇلدەم باسقا ادامعا تۇرمىسقا شىعۋىڭىز مۇمكىن.
سارىشايان (23 قازان – 21 قاراشا)
ءوز يدەيالارىڭىز بەن قىزىعۋشىلىقتارىڭىزدى قورعاي ءبىلىڭىز. بويىڭىزداعى كۇش-جىگەردى شىعارماشىلىققا باعىتتاڭىز. ءسىز ءوزىڭىزدىڭ ىشكى جاعدايىڭىزبەن ءساۋىر ايىندا بارلىق نارسەنىڭ ءوز قولىڭىزدا ەمەستىگىنە كوزىڭىز جەتەدى جانە ولاردىڭ كوبىسىنە يكەمدەلىپ، سابىرلىق تانىتۋعا ءماجبۇر بولاسىز. ماۋسىم - باتىل ارەكەت جاساۋ مەن الداعى ۋاقىتتا بولاتىن ءىرى وقيعاعا دايارلىق جۇمىس-تارىن دايىنداۋعا ىڭعايلى اي. شىلدە ايىندا جوسپارلاردان بەلسەندىلىككە كوشكەن ابزال. ال جازدىڭ سوڭعى ايىندا شەكتەن شىعىپ كەتپەۋ ماڭىزدى. جوسپارلانعان ءارى سەنىمدى قادامدارىڭىز جۇمىستا جانە قارجىلىق ماسەلەلەردە ءوز جەمىسىن بەرە باستايدى. بۇعان ءسىزدىڭ ءتىل تاپقىشتىعىڭىز بەن حاباردارلىعىڭىز ءوز سەپتىگىن تيگىزەدى. مىنەز-قۇلقىڭىزدىڭ وزگەرىسى سەزىمىڭىزگە ەداۋىر اسەر ەتەدى. كەز كەلگەن ادامنىڭ ءسىزدىڭ جاڭا مىنەزىڭىگە توتەپ بەرىپ، كەيبىر تۇستا ۇيرەنىسۋىنە تۋرا كەلەدى. جارىڭىزدى كوپ ماقتاپ، كوپ قامقورلىق تانىتۋعا تىرىسىڭىز. سەبەبى، ارەكەتكە ىشتەي سالقىنقاندى كوزقاراسىڭىزدى وزىنە سۋىپ كەتتى دەپ ءتۇسىنۋى مۇمكىن. قاڭتار ايىندا ەرلى-زايىپتىلار اراسىنداعى قارىم-قاتىناس ۋشىقپاق.
مەرگەن (22 قاراشا – 21 جەلتوقسان)
ومىرىڭىزدە ورىن الاتىن ەلەۋلى وزگەرىستەر سالدارىنان ءوزىڭىزدىڭ العان باعىتىڭىزدان جاڭىلىپ قالۋ ءقاۋپى بار. سول كەزدە بولۋى مۇمكىن حاوستىق جاعدايلاردا ەموسياعا ەرىك بەرمەي، بارىنشا سابىرلى بولۋعا جانە اقىلمەن ويلانۋعا تىرىسىڭىز. جەكە باسىڭىزدى ءارتۇرلى وقيعالار مەن وزگەرىستەر كۇتىپ تۇر. ءبىراق بايبالام سالماڭىز، سابىر ساقتاڭىز. بۇل ءسىزدىڭ الداعى جارقىن ومىرىڭىزگە سەپتىگىن تيگىزەتىنى ءسوزسىز. ءسىز تۇبەگەيلى وزگەرەسىز، سونداي-اق اقىرى اينالاڭىزداعى بولىپ جاتقان وزگەرىستەردىڭ سەبەبىن اقىرىنداپ تۇسىنە باستايسىز. شىلدە ايىندا ءسىزدى ۇلكەن باقىتقا كەنەلۋ مۇمكىندىگى كۇتىپ تۇر. ءسىز وزىڭىزگە جاڭا قىزىعۋشىلىقتار تابا باستايسىز. ومىرگە دەگەن قۇشتارلىعىڭىز قايتا اشىلىپ، ۇلكەن بەدەلگە يە بولۋىڭىز دا ابدەن مۇمكىن. الداعى جىلى ايدىڭ اسەرىنەن ءسىزدىڭ ماحابباتتا جولىڭىز مىندەتتى تۇردە بولادى. قاڭتار مەن شىلدە ايلارىنىڭ ارالىعىندا قارجىلىق ماسەلەڭىز وڭ شەشىمىن تابادى. شىلدە ايىنىڭ سوڭىنان قىركۇيەكتىڭ ورتاسىنا دەيىن سۇيىكتىڭىزبەن كوبىرەك ۋاقىت وتكىزۋگە تىرىسىڭىز، شەتەلدەرگە شىعىپ دەمالىپ قايتساڭىز دا ابدەن بولادى. ال نەكەگە تۇرامىن دەپ شەشسەڭىز، وندا سىزگە مامىر مەن تامىز ايلارى وڭتايلى كەلەدى.
تاۋەشكى (22 جەلتوقسان – 19 قاڭتار)
قاڭتار مەن اقپان ايلارىندا ىشكى كۇشىڭىزدىڭ مىقتىلىعى اينالاڭىزعا كەرەك ادامداردى جيناۋىڭىزعا كومەكتەسەدى. مامىردا جۇمىس پەن وتباسىڭىزعا دەگەن جاۋاپكەرشىلىگىڭىزدىڭ ارقاسىندا ءۇي مەن كەڭسە اراسىندا ايرىقشا ۇيلەسىمدىلىك ساقتايسىز. تىعىز جۇمىس ۋاقىتى باستىعىڭىز بەن ارىپتەستەرىڭىزدىڭ تۇسىنىسپەۋشىلىگىن تۋعىزۋى ابدەن مۇمكىن. سوندىقتان جەكە ءومىردى جۇمىسقا ارالاستىرماۋعا تىرىسىڭىز. قىركۇيەك ايىندا جوعارى ءبىلىم نە قوسىمشا ءبىلىم العانىڭىز ءجون. قازاندا الەۋمەتتىك جاعدايىڭىزعا وزگەرىس ەنگىزەتىن ۇسىنىستار ءتۇسىپ قالۋى مۇمكىن. قارىم-قاتىناستارىڭىزعا سىزات تۇسپەۋى ءۇشىن قىس ايلارى مەن ءساۋىر، ماۋسىم-شىلدە، قازان ايلارىندا جارتىڭىزدى سىزگە قارىزدار بىرەۋ رەتىن-دە ەمەس، تاعدىردىڭ سىزگە تارتقان سىيى دەپ قابىلداڭىز. كوكتەمدە سۇيىكتىڭىز ءسىزدىڭ قالاۋىڭىزعا باس يەتىن بولادى. ويتكەنى بۇل كوكتەم ءسىزدى جاقسى جاعىڭىزعا قاراي وزگەرتەيىن دەپ تۇر. ماۋسىمدا، تامىزدىڭ العاشقى جارتىسىندا قىركۇيەك، قاراشا ايلارىندا دەمالۋعا، ساياحاتقا شىعۋعا جول اشىق. ەگەر جارتىڭىزدى ءالى كەزىكتىرمەگەن بولساڭىز، وسى ايلاردا جاڭا تانىستىقتان قاشپاڭىز. جىلدىڭ العاشقى جارتىسىندا اتا-اناڭىزعا ايرىقشا كوڭىل ءبولىڭىز. ءۇي-جاي ماسەلەلەرىن كوكتەمدە شەشسەڭىز، ءتيىمدى بولماق. ناۋرىز، مامىر، تامىز-قىركۇيەك، قاراشا ايلارىندا وتباسىڭىزدا تىنىشتىق، بەرەكە ورنايدى. وكپە-رەنىشتى ۇمىتىپ، جاقىندارىڭىزعا جىلۋلىق كورسەتسەڭىز، جايلى ءومىر سۇرە الاسىز. ءۇي تىرلىگىنە بەي-جاي قاراماي، ءوزىڭىزدىڭ ەكىنشى قىرىڭىزدى شىڭداڭىز.
سۋقۇيعىش (20 قاڭتار – 18 اقپان)
قاڭتار ايىندا ساياحاتقا اتتانىڭىز نەمەسە جانىڭىزعا جاعاتىن ىسپەن شۇعىلدانىڭىز. اقپان ايىندا ءوزىڭىزدىڭ جاڭا بەينەڭىزدى جاساۋعا كىرىسىڭىز. ال جەلتوقسان ايىندا كۇدىكتى ادامداردان الىس بولىپ، ءجونسىز ىستەرگە باس سۇعۋشى بولماڭىز. ناۋرىز بەن ءساۋىر ايلارىندا ءسىزدى كۇتپەگەن قارجىلىق ۇسىنىستار قۋانتپاق. ال مامىر ايىندا وتباسىڭىز ءسىزدىڭ ءار يدەياڭىزعا رازى بولادى. ماۋسىم مەن شىلدە ايلارىندا دەمالىس پەن جۇمىسقا دا قاتار ۋاقىت ءبولىڭىز. ماحاببات وقيعالارىنىڭ ءسىزدىڭ ءاميانىڭىز نەمەسە كارەراڭىز ءۇشىن قۇرىلماۋىنا باسا نازار اۋدارىڭىز. تامىز ايىندا سەرىكتەسىپ جۇمىس جاساۋعا ۇسىنىستار كەلىپ تۇسەدى. كارەراڭىزدى ءوسىرىپ، قوعامدا دارەجەڭىزدى كوتەرۋ ءۇشىن ءوزىڭىزدى ءبىراز جەردە قۇربان ەتۋىڭىزگە تۋرا كەلەدى. ءسىزدىڭ قىزعانشاقتىعى جوق مىنەزىڭىز ەر ازاماتتاردى تاڭ قالدىرادى. ءسىزدى باسقا ادامنىڭ بوستاندىعى مەن ويىن قۇرمەتتەيتىن ادام ۇنايدى. ناۋرىزدان قاراشا ايىنا دەيىن نەكە قيماڭىز. ويتكەنى وسى كەزدەگى ءومىرىڭىز ءسىزدىڭ جۇبىڭىز بولا المايتىن اداممەن جولىقتىرۋى مۇمكىن. ەگەر وسى كەزدە شاڭىراق كوتەرسەڭىز، ءوزىڭىزدىڭ قاتەلەسكەنىڭىزدى ءبىر جىلدان سوڭ بىلەتىن بولاسىز.تۇرمىستىق ماسەلەلەرگە كەلگەندە جۇبايىڭىزدىڭ اقىلىنا سۇيەنىڭىز. ول وسى كەزەڭدە ءوزىن وزگەگە كەرەك سەزىنۋى كەرەك. بالا-شاعاڭىز وسى ۋاقىتتا تىنىشسىزدانادى. وتكەن جىلعا قاراعاندا ءسىز بۇل جىلى «ىستەۋ كەرەكتەن» ءبىرشاما قۇتىلىپ دەمالاتىن بولاسىز. جازدىڭ ورتاسىنا دەيىن دوستارىڭىز سىزگە كەز كەلگەن جاعدايدا تىرەك بولا الادى. ولاردىڭ ارقاسىندا ءسىز ءبىراز ءىستى تىندىرىپ ۇلگەرەسىز. ءسىزدىڭ ەشكىمنىڭ ويىنا كەلە بەرمەيتىن يدەيالارىڭىز ءبىراق شارۋاعا دەم بولادى. ناۋرىز ايىنان قاراشا ايىنا دەيىن كەز كەلگەن دوسىڭىزبەن بايقاپ ارالاسىڭىز.
بالىقتار (19 اقپان – 20 ناۋرىز)
قاڭتار ايىندا ءوزىڭىز كوپتەن ءجۇرىپ كەلە جاتقان جوسپارىڭىزعا قايتا كوز تىگىڭىز. دوستارىڭىز بەن جاقىندارىڭىزدىڭ پىكىرى جۇمىسىڭىزدىڭ ورلەۋىنە جاڭا تىنىس بەرمەك. قارجىنىڭ ورتاسى جاۋاپكەرشىلىك پەن ساۋاتتىلىقتى تالاپ ەتەدى. تابان استىندا كوتەرىلىپ نە ءتۇسىپ كەتۋىڭىز دە عاجاپ ەمەس. ماۋسىم ايىندا ءسىزدى رومانتيكا كۇتىپ تۇر. جازدا ارىپتەستەرمەن جۇمىس جاساۋ ءۇشىن باسقا كەزدەگىدەن دە كوپ كۇش جۇمساۋىڭىزعا تۋرا كەلەدى. اقىل-ويدىڭ ارقاسىندا كۇتپەگەن تابىستىڭ جەمىسىن كورەسىز. كوپ كۇشتى ءوزىڭىزدىڭ دەنساۋلىعىڭىزعا، بىلىمىڭىزگە جانە جەكە ومىرىڭىزگە ءبولىڭىز. ءسىزدىڭ وزگەلەردەن ەرەكشە مىنەزىڭىز بەن ومىرگە دەگەن كوزقاراسىڭىز ءسىزدى ۇنەمى ماحابباتتا جەڭىسكە اپارادى. قاڭتار مەن شىلدە ايلارىنىڭ ورتاسىندا ءسىزدى تاڭعاجايىپ ماحاببات وقيعاسى كۇتىپ تۇر. قاڭتار، اقپان جانە ناۋرىز ايلارىندا ءسىز وزىڭىزگە قاتتى كوڭىل بولەسىز. سونىمەن قاتار وتكەنىڭىز جايلى دا كوپ ويلايتىن بولاسىز. ءسىزدى بۇل جىلى قىزىقتى شارالار مەن وقيعالار كۇتۋدە. ءبارى دە وتباسىلىق قارجىنىڭ قورىنا كەلىپ تىرەلەدى. ءسىز ءوز جۇبايىڭىز ءۇشىن الەمدەگى ەڭ سۇلۋ، ءارى اقىلدى جارسىز. قاڭتار ايىندا ءۇيدىڭ ەركەلەرى سىزدەردىڭ جۇيكەلەرىڭىزگە ءبىراز سالماق سالىپ سىزدەردىڭ سابىرلىعىڭىزدىڭ قانشالىقتى قاتاڭ ەكەندىگىن تەكسەرىپ كورەدى. جاعداي سوندايعا كەلىپ تىرەلەدى. دوستاردىڭ سىزگە بۇل جىلى كەرەگى كوپ. ءسىزدىڭ الدىڭىزعا دوس بەتپەردەسىن كيىپ العان ادامدار دا دوستىق ءبىلدىرىپ كەلۋى مۇمكىن. ولارعا ەسىگىڭىزدى اشپاڭىز. ونىمەن قوسا ءسىزدى شىنىمەن دوس كورەتىندەردىڭ دە سانى جەتىپ ارتىلادى. ءبىرىنشى جارتىجىلدىقتا ورنايتىن جاعداي سىزبەن جولى ءبىر ەمەس ادامداردى ىعىستىرادى. ارتىق سالماق قوسۋدان قورقىڭىز. جانە ونىمەن كۇرەسىڭىز. قىس مەزگىلىندە تابەتىڭىز اشىلماق.
