اقش-تىڭ فلوريدا شتاتىنىڭ بۇرىنعى گۋبەرناتورى دجەب بۋش ءوزىنىڭ 2016 جىلعى پرەزيدەنت سايلاۋىنا كانديداتۋراسىن ۇسىناتىنىن مالىمدەدى. بۇل تۋرالى دجەب بۋش حالىقتى روجدەستۆو مەن حانۋكي مەرەكەلەرىمەن قۇتتىقتاپ، ءوزىنىڭ Facebook پاراقشاسىندا جازعان بولاتىن. «ءبىز وتباسى مۇشەلەرى بولىپ ەلىمىزدىڭ بولاشاعى جايلى ويلاندىق. تالقىلانعان ماسەلەلەر مەن ءقازىر امەريكانىڭ مىقتى جەتەكشىگە مۇقتاجدىعى سەبەپتى الداعى جىلعى سايلاۋعا قاتىسامىن دەگەن شەشىم شىعاردىم»،-دەپ جازىپتى. دجەب بۋش 1953 جىلى تەحاستا تۋىلعان. ول سەگىز جىل ( 1999-2007 ) فلوريدا شتاتىنىڭ گۋبەرناتورى بولعان. ەگەردە دجەب بۋش الداعى سايلاۋدا جەڭىسكە جەتەتىن بولسا وندا بۋش اۋلەتى امەريكا تاريحىنداعى تۇڭعىش ءبىر اۋلەتتىڭ ءار جىلدارى ەل باسقارعان وكىلدەرى رەتىندە ەنبەك. دجوردج بۋش ءبىرىنشى 1989 – 1993 جىلداردا،  ۇلى كىشى دجوردج 2001-2009 جىلدار ارالىعىندا اقش-تىڭ ءبىرىنشى ادامى بولعان.