اقتوبەلىك جۇرگىزۋشىلەر رەسەيلىك رەكەتتەردىڭ ۇستىنەن شاعىم ايتادى. بۇل تۋرالى Zakon.kz حابارلايدى. ءرۋبلدىڭ قۇنسىزدانۋى قازاقستاندىقتاردىڭ رەسەيدەن پاتەر مەن كولىك ساتىپ الۋ كورسەتكىشىن ۇلعايتىپ وتىر. ورىنبورلىق «رەگيون» تەلەارناسىنىڭ مالىمەتىنە سۇيەنسەك ءبىر عانا «اۆتوگراد» سالونىنان سەنبى كۇنى قازاقستاندىقتار 200 اۆتوكولىك ساتىپ العان. ءبىراق تومەن باعاعا الدانىپ «تاۋەكەلگە» بەل بايلاۋدا ءقاۋىپتى. جول بويىندا كەزدەسەر كەلەڭسىزدىكتەردىڭ باسى بەلگىسىز بىرەۋلەردىڭ كولىگىڭدى تارتىپ الۋمەن باستالادى. سوراقىسى ۇرىپ-سوعۋعا دەيىن باراتىن كورىنەدى.

«د» كاتەرگوريالى كولىك جۇرگىزۋ كۋالىگى بار قازاقستاندىق ءۆلاديميردىڭ ايتۋى بويىنشا قاراقشىلار ءتۇسى سارى ترانزيتتىك نومەرمەن جۇرەدى ەكەن. - ادەتتە، توقتاتقاندا قارسىلاسپاساڭ ، كولىگىڭدى الادى دا، تيىسپەي جۇرە بەرەدى. قارسىلاسىپ، قاشپاققا نيەتتەنسەڭ ۇستاپ الىپ تاياقتىڭ استىنا الادى. ول جەردە شاعىم ايتىپ كىمگە باراسىڭ؟ ساتىپ العان كولىگىڭ نە رەسەيدە نە قازاقستاندا تىركەلمەگەن،-دەيدى. ەڭ ءقاۋىپتى وتكەل سامارا-تولياتتي كۇرە جولىندا. مۇندا قاراقشىلىقپەن اعىمداعى جىلدىڭ جاز ايلارىنان باستاپ اينالىسا باستادى،-دەيدى ۆلاديمير. -مەنى توقتاتقاندا، قارسىلاسپاي كولىكتەن ءتۇسۋىمدى سۇرادى. جولدان امان ءوتۋىمىڭ كەپىلى 2000 رۋبل ەكەنىن دە ەسكەرتتى. امالسىز سۇراعاندارىن بەردىم. ءبىر قىزىعى اتالمىش قاراقشىلار مەنىڭ قانداي تاۋار الىپ كەلە جاقانىمدى الدىن الا بىلەدى ەكەن. قازاقستاندىقتارعا ايتارىم جولدا جۇرگەندە اباي بولعاندارىڭىز ابزال،-دەيدى. اقتوبە وبلىسىندا وسى جايتتار جايلى ءسوز تاراعانىمەن، رەسمي تۇردە ەشكىم شاعىم ايتا كەلمەپتى. اقوتوبە وبلىستىق ءىىد رەسەيدىڭ ءىىم-نىڭ باسپا ءسوز ورتالىعىنا وسى جايتتارمەن ساۋال جولداعاندا، شەت ەلدىك باق-قا جاعدايدى 2 اپتادان سوڭ جاريالايمىز دەگەن جاۋاپ الادى. ازىرگە ءرۋبلدىڭ قۇنسىزدانۋى كورشى ەلدە «ەسكى» كاسىپتى جانداندىرىپ تۇر.